تبلیغات
سؤز کروانی - 168 ــ حاجا گئتمه 1

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

168 ــ حاجا گئتمه 1

تاریخ:شنبه 13 خرداد 1396-09:42 ب.ظ


یـازدیم  سؤزومی اولماسا حق ائیله ملامت

تـزویـر و ریــا فکـر ائلمـه ، ائیـله کتـابت

سنـده اؤتــوروب ، آل سعوده  ائـلـه لعنت

یؤخ  معرفت و عفّت و همّت ، حاجا گئتمه

وئرمه اؤزووه  بیربئله زحمت حـاجا گئتمه

اوّلدن هامی حجّه گئدیب حـاجی اولاردی

همسایه فـامیل دوره سینه نـاجی اولاردی

حاجی خانیم یله ، هامیسی بـاجی اولاردی

تاپبوش حاجیلار ایندی مهارت حاجا گئتمه

گئدسونده گئدیب  ائیله تجارت حاجا گئتمه

دولـدور چمدانلار دولوسی پـارچـا یا متقال

وئرمه تـانییار پارچا ساتـان ، وئـر ساتا بقال

هامی تانییـاندور نه بـؤلـور اصل دی آشغال

هرکیمده سنه ائتسه نصیحت حـاجا گئتمه

شاید دیمه سین اولسا بصیرت حاجا گئتمه

مـکّه کفنین دن ، گتَی اوّل هامی  بـؤلسون

راحت یئره قؤی گؤز قاباغیندا هامی گؤرسون

جوشن کبیری اوستونه یاز قؤی هامی سئوسین

بیر دفعه گتَور چؤخلی کفن سات حاجا گئتمه

راحت یخیلیب خشله پولون یات حاجا گئتمه

ایــرانـدا بــو مـکّه سفریـن عــزّتی واردور

امـکانــون اولا گئتمه یه سن ذلّتـی واردور

حاجی چــاغیرانـدا  نه قَــدَر لـذّتی واردور

اولمیش بـو عمل ایندی رقابت حاجا گئتمه

سایسام بؤلوسن چؤخدی دلالت حاجا گئتمه

الله بو یئری جنگ و جدل دن حذر ائتمیش

دونیاده  شقی لــرده بو امــره نظر ائتمیش

خادم قویان انسان آدین ایندی ضرر ائتمیش

یؤخ منده داخی صبر و متانت حاجا گئتمه

خیرایشدی ولی ائتمه حماقت حاجا گئتمه

دونیــاده مـدینه  تـانینـیب ، شهر پیعمبر

بـــاخ گنبـد خضـرایه  گلـیر عِطر پیعمبر

زوّاری  وورانـدا ، قــورتـارور صبـر پیعمبر

کافرده ائـدر مهمانا حـرمت ، حاجا گئتمه

شؤورتا  نه قانـور مهر محبّت حاجا گئتمه

آختارسان اگـر اللهی هـر یئـرده گـؤررسن

بیچاره و درمـانـدیـه رحم ائیـله ، بؤلـرسن

آیا دی گؤروم عؤمریده گؤزیاشی سیلرسن ؟

چؤخ واردی گئجه آج یاتان عورت حاجا گئتمه

گئت سن اولاری  بیرائله رویت حاجا گئتمه

دونیا باشاباش صاف و چؤخور دیکّه دی والله

همسـایـه فـامیـل قلب لری مکّه دی والله

مـذهب دیمورم ، انسانـا بیـر لکّه دی والله

گؤرست هـامیا رسم شجاعت حاجـا گئتمه

وئر مکّه پولون واردی شهامت حاجا گئتمه

یؤخدور سؤزوم آنیندا مـؤهور ردّی قالوبدور

آنین قیریشیب اورتادا بیـر، خطّی قالوبدور

کیمدور قؤجالان وقته اوجا ، قدّی قالوبدور

عـاشق چکرعـالمده ریـاضت حـاجا گئتمه

وار سنده اگـرعشق عبادت حـاجـا گئتمـه

اخـلاص عمل اولسا دا ذلّت ، چکیـروخ بیز

ناموسی میزه توهین ائدیللـر، دؤزوروخ  بیز

بیز ایسته میروخ گلمه دییللر، گئدیروخ بیز

واردور بــؤلارا حُبّ ریـاست حـاجـا گئتمه

ایـرانلیلارا  بسَـدی حقـارت حـاجـا گئتمه

وارخــاطره ی حـکم بــرائت ، یــادیمیزدا

ایــران و عــراق جنگی ، خیانت یادیمیزدا

یا اینکه فــرودگاه دا ، جنـایت  یـادیمیزدا

وجدان بیزی چؤخ ائتدی ملامت حاجا گئتمه

بؤلمزله بـؤلار شـرم و خجالت حاجا گئتمه

تسبیح ایله زونّاری دؤیون سالـدیلا اعـراب

لشکر چکیلیب شـهرلــری آلـدیـلا اعـراب

بـوجنگ صلیبی ده  دالی قـالدیـلا اعـراب

شیطان لارینان قؤیدی رفاقت حاجا گئتمه

نفتین پـولـونا تـاپدی شرافت حاجا گئتمه

هریـاندا بـؤلار حمله ائدیب غـارت ائـدوبلر

وحشی لیقا همّیشه بـؤلار عـادت  ائــدوبلر

ایـرانـدا گلـوب یئـرلـرینی راحت ائــدوبلر

اولماز  بیزیلن صلح و رفـاقت حاجـا گئتمه

واردور بیـزیلن کهنه  عـداوت حاجا گئتمه


ادامه در صفحه 2




داغ کن - کلوب دات کام
نظرات() 
Foot Complaints
یکشنبه 15 مرداد 1396 11:28 ب.ظ
I used to be able to find good information from your articles.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo