تبلیغات
سؤز کروانی - 164 ــ عصای موسی

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

164 ــ عصای موسی

تاریخ:جمعه 12 خرداد 1396-10:15 ب.ظ

«  عصای موسی  »

بودهریده کیم خیمه ووروب دور آچاجاقلار

منزل وئــریلیب هــامّیا ، راحت یاتاجاقلار

بوعـؤمـر فناده ،  نیـه طغیان ائله دون سن

توپراقدا یاتوب ، قبریوین اوستن باخاجاقلار

  جولان ائیله یین شخص لر اولمیش بئله آرام

بؤلمیش که بدن توپراق اولوب قالمیاجاقلار              

بو محکمه ده ، دیللی لری ، لال تانییــاللار

دیل سیزلره مظلوملارا سخت دوتمیاجاقلار  

جبرئیل امین بیرگؤن عصاء گتَدی ، شعیبه

ساخلا بــو عصانی ، دئدی سنَدن آلاجاقلار

بیـر مـرسل حـق دور، اونی الله بَیَنیب دور

دامادین اولوب ، هامّی اوره ک باغلیاجاقلار

واردی اونــون البته ، اوجــا شأن و مقامی

   اؤز قــومی اونون سؤزلرینه باخمیاجاقلار

گؤنلر دولانوب فوری چاتار لحظه ی موعود

بـوقــوم دَغـل ،گؤنـده شرارت سالاجاقلار 


طورین داغینی عشق ائده جاق طور تجلاء

سیناده آتوب عشقینی  بُت ساخلیا جاقلار

یوسف غمینه آغلادی یعقوب گؤز آغاردی

اون بیر نفــره ، بیـر جیگری داغلیا جاقلار

ازبس چؤخودی خـوف و رجاع حال شعیبه 

آغلار گؤزونـون  نـوری گئدیب آغلیاجاقلار

مصره چاغـوروبـلار  نه قَدَر، ساحر و رمّـال

موسی نی شکست وئرسه له تئز اوخلیاجاقلار                                                                                                      

بیر خروار آغاج  تـوکـدوله میدانه او ساعت  

ساحرلر اونـا سحِر اوخؤیـوب اود ووراجاقلار

بیردن هامی سی اولدی ایلان میدانی آلدی      

کیم جرأت ائدیب گئدسه قبـاقه چالاجاقلار

فرعون نه غروریله دوروب سَسلهَ دی موسی

تئـز چــاره ائله  شهری ایلانــلار آلاجاقلار

حسرتله باخوب بیر یئره بیرده گؤیه موسی 

تک تک دوشوب ئولدورسه ده قورتول میاجاقلار 

ای یــوسفی ، زنــدانیــدن آزاد ائـدن الله

قورتار میاسان گر منی ، گؤزدن سالاجاقلار

بیـر عــدّه لری ، حقّیله بیعت ائله یوب لر

قؤرخوم بؤدو کی ، سؤزلـرینی پس آلاجاقلار

سَس گلدی حبیبیم ، بـؤلوسن یاوریـوم من

سن آتسون عصانی ، اولار عـاجز قالاجـاقلار

اللهین آدیــلان ، او عصـانی ، یئـره آتــدی

تؤز قاخدی گلور اژده ها سَس قالخیزاجاقلار

میداندا  ایلانلاری  دوتوب  اوتدی بالیق تک

بیر عــدّه قاچوب شهریده غـوغا سالاجاقلار

فرعون گینه خار اولدو قاچوب گیزله نیب اوردان

بـو سحِر دی بـؤلمیش هامیلار ، آنلیاجاقلار

موسی کیمی چؤخ صبر ائله ین بیرده تاپولماز 

شاعرلره سرلــوحه دی ، اختـر یـازاجـاقلار

سعی ائیله بـو سرلوحه دن آل پند ِگوهر بار

چاتجاق اجَلین،  قبـریـوی آنی قـازاجاقـلار

                   خرداد ماه سال 1395                          ***   


 

سوره ی الاعـــــراف ، آیه ی  104 الی 117




























داغ کن - کلوب دات کام
نظرات() 
Foot Pain
دوشنبه 16 مرداد 1396 06:15 ق.ظ
Pretty! This has been a really wonderful article.
Thank you for supplying this information.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo