تبلیغات
سؤز کروانی - 104ــ ایشیقلانمادی نیلوم

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

104ــ ایشیقلانمادی نیلوم

تاریخ:چهارشنبه 30 فروردین 1396-12:05 ق.ظ

       

بــو شمع وجــودیم ، ارییب قـالمادی نیلوم

پــروانـه لـرعشقینده قـانـاد چالمادی نیلوم

یاندیم کول اولوب شعله ی عشقینده کؤزردیم

بـو نـوریـله ویــرانـه ، ایشیقـلانمـادی نیلوم

من عؤمریده  نَرد اوینامامیشدیم تئز اؤتوزدوم

بختیم منیلن ، دهـریـده یـار اولمـادی نیلوم

بیـگانه جمـاعت سـؤزونـه ، یـؤخـدو گـلایم

بو دیل یـاراسی ، سینه ده بـاغلانمادی نیلوم

بیـرتئل منه وئرمیشدی ، اوسیمرغ سبک بال

گتَدیم گئجه یانـدیرماقا  یئل قؤیمادی نیلوم

آی گؤردو یارین صورتینی سَسلَه دی هیهات

بــومنله وسطدن بـؤلــونن ، آلمادی نیــلوم

حتما بـو گـؤز ل لیکده ، اوره کلر آیی دور بو

من قاش ائله دیم ، امـّا نظر سـالمـادی نیلوم

اختـر او آیی ، سن بــو آیــا ائیله مـه تشبیه

بیـرلحظه بـو فکریمدن ، اوزاقلاشمادی نیلوم

***



داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo