تبلیغات
سؤز کروانی - 40 ــ رعنایه بوگون

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

40 ــ رعنایه بوگون

تاریخ:سه شنبه 8 فروردین 1396-06:59 ب.ظ


باغلانوب کؤنلوم ازه لدن گول رعنایه بوگؤن

قـاچارام غملر الیندن ، ولی صحرایه بـوگؤن

منی كه دوغـــدی ننم ، غمله كسیلد گؤبه گیم

منـه ظلم ائیلـــه دیلـر ، گتدیله دونیایه  بوگؤن

تؤی دوتوبدورباشیما چرخ فلك گؤزدن ایراق

گل یانیمجا سن تاری ، بو گئجه دایه بـوگؤن

نه زماندور بــاخــورام ، حسرتیله یــؤللارینا

ایسته یرم باشیمین اوسته سالاسان سایه بوگؤن

گل سن الله قـدمون قؤیما یئره قـؤی گؤزومه

قؤی باخاندا ، هامی باخسین بوتمنایه بوگؤن

بـــــؤلـــورم یوسفی ساتمـازلا منه بیــر كلفه

مــن بلی مشتریم ، گــــوهــر یكتــایـه بوگؤن

سس دوشوب شهریده بیربرده اولوب مصره عزیز

یتــورون بـو خبـری ، غملی زلیـخایه بوگؤن

منده بـو قلبیده كی ، بت لاری سیندیرسـام اگر

مژده وئررم آپارون ، هاجـر و سارایه بوگؤن

ولی قلبیم كلیدین ، بیـــــرآیـــا بنزر آپـــاروب

اودو من دامدا یاتوب ، گـؤز تیكرَم آیه بوگؤن

دئیـه بــولمم دیلیمین آتـــدا دئیـن ســؤزلــریمی

ساخلارام قلبیده كی ، سؤزلری رویایه بوگؤن

جلوه ی پاكـون ائدیب ، قلبیمی نــورانی صنم

گلـــه رم مـــن ، ره عشقینده مصلایه بــوگؤن

اختـــــرا سن تكیوه قـالمـا ، بو صحراده قئیت

قـؤرخورام لشكر غمدن ، گله دعـوایه بوگؤن

***




داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo