تبلیغات
سؤز کروانی - 70 ــ قـره قـوش

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

70 ــ قـره قـوش

تاریخ:سه شنبه 8 فروردین 1396-02:32 ب.ظ


گؤردوم سنی گؤزه للرین  گؤزوسن

تازه كندین جلوه سی سن، سؤزوسن

لاله لری ، ساق ســؤلونا ، دؤزوسن

د ئد یم قؤی بیر، نامه یازوم ، ایللره

قـره قـوشـون ، آدی گلـسین ، دیللره

سنـــده مـنیم، ایستكلی بیـریاریم سان

دامـارلاردا، آخان قـان تك قانیم سان

نجوردئیم ، روحوم سان ایمانیم سان

سنسیز منـــه ، زنــدگــانلیق یالاندی

صبریم جامی دوشدو سیندی جالاندی

چرخ فلك ، گؤزون سنه  ائیمه سین

چمنلــرده، آچــان گـولی درمه سین

خزان دؤنون باخچالارا سرمه سین

منده سنی ، شاد گؤرنده  شـاد اؤلام

سن اؤلمـاسـان ، وطنیمده یـاد اؤلام

پـروانه لر، شمع اؤستونه ، قـؤناللار

هـــوسلنیب قاناد چــالوب، اوینـاللار

حــرارتــدن الـــــولانیب، یـــانـاللار

سنده آی تك ایشیق سالدون داغلارا

داغــلاردانـدا شــفق آتـار، بـاغلارا

یللـــر اسیب ، تللــرینی ، هی دارار

تؤكر یـؤزه ، زولفیلرین هـی سا یار

دیلیم دئیــر، اوره كـده یؤخـدی قرار

آلانمیشـام ، نـازلی یـارین  سـؤزونه

كـیلپیـگینه قــاشـــلارینا ، گـــؤزونه

آرواتلارون  اؤسـلوك گیوب ایاقدان

جلب اتمه سین نامحرمی  اوزاقـدان

دانشدیقجـا، گول تؤكولر، دوداقـدان

منیمده بـو، گـوستـاندا ، گـولـوم وار

سئوگیلی لرایچره بیرسئوگی لیم وار

قره قـوشا ، باخدیقجا گـؤز، قـارالی

ایتیرمیشم ، قـــره قــوشــدا مـارالی

گؤرَن دئیور بـؤردان گئچوب یارالی

گــؤزله میشم ، آیـلاری ، ایللرسنی

ســـارا كیمین ، آپـاردی سـئللرسنی

دیـــللــرده دی ، غـــار کبوتـر آدی

گؤرمه لیدی او كؤهولون هرزادی

بیستون اوردا چاغورون  فـرهادی

شیرینی یـؤخ بـاخسین لیلی داغـینا

گلـردوشر اوردان ، قشلاق  باغینا

چوقّور آرخاج قره قوشون ساغیندا

گؤزی قالوب  اونون قوتلی داغیندا

گیلدیكلر قیـزاریب ، گـول یاناغیندا

قـیزلار گلوب كهلیك  كیمی گزه للر

یئـــــل اسنده ، زولفلـرین ، بـزه للـر

ممدگر ارخینده ، سویی  سوواردیق

چكمه لـری  چایدا ینوب  یؤواردیق

اوردان گلوب  باشی آتیب یاتاردیق

ایندی دییر، بیر ذره سو ، تاپولمور

حـاصلیمیز، الـده قـالوب، سـاتیلمیر

كیمنوا دان ، بیزده  اؤزوم آلاردیق

میـلاق بؤروب براندازدا  قالاردیق

داوا تــؤكوب تئز تیرانا، سالاردیق

گیله لـری  آیری سئچون قـاتمایون

آشغــالارین ، دورو بـره ، آتمایون

شكر الله سبزه لــــری ، آسموشوق

هم داوایا ، دود خــانیـا باسموشوق

نچه گـــؤندور، کناریندا یاتموشوق

بازارسینیب سبزه لـری آلان یـؤخ

كشاورزین ، احـوالینا یـانـان یـؤخ

مـویدورچایی دوه داغی یؤرت یئری

اوولارقاچوب ایندی اؤلوب قورت یئری

كهریزاوسته ذره یؤخدی اوت یئری

بادام لیقی شؤخـوم ائدوب سؤروبلر

آغاشلارین سیندیـریب لار كسوبلر

مــن عــاشقم ، اورمییه ، تبـریــزه

عجب شیـــره ، مـــراغیه ، سقیزه

چـــاره نـــدور، گلنمـورم بیرسیزه

کؤنلوم ایستراوغلانلارون قیزلارون

كهلیك لـرون  اردكلرون  قـازلارون

نه گؤزَلـدی منظره لی  داغـلارون

بـزه كلیدی  گلین كیمی بـاغلارون

سیراب ائـدربُستا نلاری چایلارون

قــربـان اؤلـوم تؤپـراقینـا ، داشینـا

قــؤیـون دئیم ، نلـرگلمیش ، باشینا

فلك ســالوب ، آیـری منی، ائلیمدن

وطنیمدن ، بؤلبولـومدن گـولـومدن

یالان دیسم ، چكون دارا ، دیلیمدن

وارون اؤلسا غـربت سنه وطن دیر

كاسب اؤلسـون ، گلنلـرده  گئدندور

اورگیمده چؤخلی غملی سؤزوم وار

آیــــریـلیقــا ، انتظارا ، دؤزوم وار

گؤزللرده بیـرجه سنده  گؤزوم وار

هامی آتوب ، گؤزدن منی سن آتما

غنچه كیمی گول آچمامیش ساراتما

بهار گلوب  گوللر آچوب  سؤلاندا

یاغیش یاغوب قوری گُوللردؤلاندا

اردكلرین ، قــانـادلارین ، چـالاندا

قاناد چالوب منده اوچان بیرقوشام

اوشـاق كیمی گه یخیلوب دورمیشام

ایلدیـریملارشاخارچایلار سئل گلی

یاغیش آچـار، شـاختا گلی یئل گلی

غمـلی گـؤنـون، آیی منه ، ایل گلی

هــوا گنه ، شـاقیلدیـریب ، دؤتـولدو

قـیش زمهارین  یئدیك الله  قـؤرتولدو

بیزسنیلن چؤخلی عؤمـورسؤرموشوق

روزگارین یاخشی پیسین گؤرموشوق

طاقت گئدیب الـدن دیله دؤشموشوق

قبیله میـزدن ، ئــولـدولــر آزالـدیـق

جوانلیقلارسؤروشدی دای قؤجالدیق

حیـدر بـابا ، شهریـاردان ، قـالاندی

شهریـارلا، گـولی پــرپــر اولانـدی

حیـدر بابا ، دونیـــا یالان ، پالاندی

آتام ، آنام ، عموم ، دایم ، ئـولـدولر

یئـل اسنده ، چـراغ كیمی سـؤنـدولر

یازیق آتـام  روزگاردان  قـان آغلار

كؤلونگولن یئری قازوب هـامـارلار

اللر قــابـار، الـده شیشیب  دامـارلار

سندن منه ، ارث چاتوب ، غصه لر

یازماغیلان ، قـؤرتولماز بـوقصه لر

آنـــا آدی ، قــالــوب دائـم ، دیلیمـده

خـزان اولدو ، گولوستانیم  گولومده

الیـــم دوتمــــاز قــــلم تتـرر، الیمده

گئجه گـؤندوز قان آغلارام  دردیندن

اوزاق دوشدوم نه نه گؤزَل قبریندن

 داغلار باشین دومان آلدی قـارآلدی

داغدا گزَن ، آهـو جیران ، مارالـدی

گؤزله مكدن داخی گؤزوم  سارالدی

یــارو یـــؤلــداش ، اقــربـالر، گئدیلر

منی یـالقوز قؤیـوب ، گؤزدن ایتدیلر

هــرنه دیلیله ، یــازورام ، یـازیلمور

محبتــون ، اوره گـیمدن ، قـازیلمور

کنـــایــده ، آزدیـــریـــرام ، آزیلمور

عشقــون آلــوب ، وجـودیمی الیمدن

نه ایستیرســن ، بو نـــالایق دیلیمدن

فـــلك ، الگینـــدن ، غمــــلـری الــر

بـوغملر اؤخ كیمی ، اوره گی دلــر

اؤز اؤزومــه دئـدیم ، گئدیبـدی گلـر

قارلی داغلارآشوب گلوب گؤریدیم

بیرباغـریما  باسیب سوندان ئولیدیم

اوشاقیدیم ، هی قـاچاردیم  چایلارا

دیرماشاردیم  دیـوارلارا ، داملارا

آغاج مینیب چاپدیراردیم  داغـلارا

هـرنیله دیم ، سنه چـاتـام  اولمـادی

گؤزوم یـاشی آخـوب گُوللر دؤلمادی

اختـر دیئـر سـؤزلـرینی ، بـؤلنه

غم غصه نی  اوره كلردن سیلنه

رحمت اؤلسون گندیمیزدن ئولنه

ئولنلردن ، یــادگـاردی ، كندیمیز

تاریخلرده مانده گاردی ، كندیمیز

***

 اسفند ماه سال  1368




داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo