تبلیغات
سؤز کروانی - 72 ــ الله اكبر

عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

72 ــ الله اكبر

تاریخ:سه شنبه 8 فروردین 1396-03:27 ب.ظ


تمـــام خــلقتین اســــراری دور، االله اكبــــــر

تمـــــام انبیـــاء گفتــــــاری دور، االله اكبـــــر

تمـــــام جمـله لــر عنـــوانی دور، االله اكبـــر

تمام دردلــرین درمـــانی دور الله اكبر

مفصل شــرح ائــدیب ، عـهد عتیقی آفــرینش

نجورخلق ائیله ییوب دی كائناتی عقل و دانش

ولی انسان همیشه ائیله ییوب  عمرینده لغزش

بشر بخل و حسود و كینه دور الله اكبر

سیزه تعریف ائـدوم بیـرمختصركنعانی اوردا

دؤتوب قارداشلاری باغلارقؤلون پنهانی اوردا

ســالوبلار چـاهه طفل  بی گنه نـالانی  اوردا

دییوبلر یوسفی بیرقؤرت یئدورالله اكبر

یازالاركی نجورقارداشلارین تاپدی سؤزوم یؤخ

او احســاساتی نظمه چكمكه منده دؤزوم یؤخ

ائلین كنعانیدن مصره آپـارماقـدا گـؤزوم یؤخ

اؤ اؤلـدوزلار آیـا تنظیم ائـدورالله اكبر

گلــوب شهره ، وســائیل كشــاورزی آلـوبلار

 مساعد یئر وئـریب بحرین كنارینده قالـوبلار

بؤلار بحرین كنارینده قالوبلار كوك سالوبلار

بو قومین اهلی تك بیرشهردورالله اكبر

زمان كچدی ئولوب یوسف حكومت اولـدو تعویض

سالوبلار تفـرقه شهـرین ائچینده اولدو تبعیض

چیخادی ایشلریندن یاخشینی پیس آلدی تنفیض

باخون دونیایه عبرت خانه دورالله اكبر

اؤلوبدوربخش نامه جارچی لارجـارچكدی شهره

تمام شــرقیدن غـربه ، خبرلـر، چــاتدی بحره

سـران قـوم اسرائیل ، ایشیدی دؤشدی  زجره

دییوبلربوحكومت ساخلیانلارپست دورالله اكبر

یازیلدی نامه لـر ، احظار ائـدوبلـر ساحـرانی

پیش گــویـان و درویشــان و ، رمـال  جهانی

منجم لـــر گلــور شهره ، چكــولــر كـاروانی

گلن گؤردی هامی فرزانه دورالله اكبر

گلوبدور مجلسه ، شــاهنشه مصر ائتدی گفتار

دئدی ای عــاقلان ، ای صـاحبان عقل و پندار

باخـون آینده ی ، بو تـاج و تختیم ده ، نلر وار

پریشان خواب لـر آزار ائـدور الله اكبر

منجم لر قـؤروب شـورا  رصد ائیله ر هوانی

تمام اؤلـــدوزلاری ، پــروینی حتی كهكشانی

ریـــاضی دان بــؤلر ، علم نجومی ما سوانی

بـو انسان علم ده پیشرفته دور الله اكبر

گلــــوبـــدور ساحران زبــده و ، رمال بــرتر

قـــارانلوق یئرده بیـر آینه قؤیدو ، ماه و اختر

ایشیق سالدی بؤلارسئیرائیله ییوب مثل كبوتر

دییوبلر بـو طلسم تــازه دور الله اكبر

هــره اؤز علمینه ، آینده لــرده ، آختـاروبلار

چاتوبلار هـامیسی بیر نقطیه ، مبهم قالوبلار

آغیربحث جـدللر ائیله ییوب هم رای اؤلوبلار

دییوبـلر قـــوم اسرائیل دور الله اكبر

بؤلاركنعانیدن كوچ ائیله دی یوسف زمانی

عزیزمصره خاطر خاطرین دؤتدوق گرامی

ولی باشدان آتوبلاراؤزلری اؤل ننگ و نامی

بؤلاربت خانه لر پیشتازی دورالله اكبر

هامی مجلس بـؤجور آینده نی ترسیم ائدوبلر

رجـال مملكت بیــر رهبـره ، تعـظیم ائدوبلر

شكاف شرك و ایمانی بؤجور تـرمیم ائدوبلر

بوفرعون گؤرنه قدربیچاره دورالله اكبر

ورق دؤندی فلك قــوم یهودی ائتدی محكوم

نجورظلم اؤلسا بوقومه دفادن ائتدی محروم

اوشاقلاری یغوبلاردسته دسته ائتدی معدوم

بؤلارانسان دگول حیوانی دورالله اكبر

چـیخیب لارمصردن چؤخ زحمتیله یارو انـصار

چـیخان گـؤندن مصیبت باشلایوبلار یارو اغیار

اوگـؤن نیـلین كنارینده  قـورولدو جنگ و پیکار

گینـه ظلم آتشی بیــداد ائـدور الله اکبر


ووروب موسی عصاسین چای دؤروبدوركچدی قومی

ذخیره گـؤتدولرچایـدان دؤیونجا ایچدی قومی 

اوگؤن شورا قوروب رای سالدیلارتاسچدی قومی

بوایشدن هامسیی مسروری دورالله اكبر

گینه چایدان كچوب ساز مخالف لـر چالیندی

گینه عؤرت اوشاقلار، تازه دن بـرده آلیندی

شـراب وموسیقی آخشام  گؤنوزغـوغا سالیندی

هامی عؤرت اؤشاق گریان دورالله اكبر

چاتینجا كوه سینایه بؤلارجنگ ائیله ییوب لر

بؤجورثبت ائیله ییوب تاریخلری ننگ ائیله ییوب لر

همیشه عرصه نی خیرایشلره تنگ ائیله ییوب لر

صدف تك گـــوهر نایاب دورالله اكبر

ایشیق لاندی گئجه ، قـدرت الیله كـوه سینـا

ایشیق سالدی تمام  چـؤللره  گؤرسندی مینا

گـؤروبلر موسی عمران الینده ، لؤح خوانا

دییوبلر بـــوخـــدا فرمانی دورالله اكبر

دؤزلـدیب سامری گؤساله نی ، دقتله اوردا

آپـــاردی غـارته ایمانلاری ، حیرتله اوردا

هامی سجده ائدیب گؤسالیه ، رغبتله اوردا

بؤلار اهــریمنین افكاری دورالله اكبر

چالوب سیندیردی ده فرمانی ، اؤلدو پاره پاره

اوره ك غمگین اؤلوب قلب رئوفی اؤلدو یاره

بـوحلّ مشكوله  صبر ائتمگی تك بـؤلدو چاره

بو موسی معرفت اركانی دور الله اكبر

گلوبدورقومینی چؤخ رأفتیله ، ائتدی دیدار

نصیحت ائیله دی غافل لری تا ائتدی بیدار

دئدی شكر ایلیاق ، حی تــوانا ائتمـدی خار

بیزه مقصد آخیـــر كنعانی دورالله اكبر

قرآن تشریح ائدیب قوم یهودین مـاجراسین

صراحتله دییوب دورعاقبت  شـركین جزاسین

همیشه عفو ائدیب  لطف وعنایت دن خطاسین

یازون مظلوم اوره كلرآهی دورالله اكبر

وصـیت ائیله دی قارداشینا  موسی ئـولنده

منی دفن ائیله قارداش تؤپراقا سن گؤن دوننده

گـؤزه تله اهـل ایالیم قـومیــوه ، آفت گلنده

بؤلاردا قومیوین ، مهمانی دورالله اكبر

ئولوب موسی بؤلـوبلر قومین اهلی آغلایوبلار

به رسم یاد و بود اؤچ گؤن اونا یاس ساخلایوبلار

گلـوبلـرتك به تك هــارونـه پیمـان بـاغـلایوبلار

دییوبلـــر سینمییان پیمانی دورالله اكبر

قـؤتاراختربـوقومین سؤزلری چؤخ چؤخدی والله

گئدیب تاریخلری سئیرایلماق چؤخ خـؤشدی والله

ولی تاریخه ایندی مشتری چؤخ یؤخدی والله

یازانـــدا تئز دییللرقصه دورالله اكبر

 ***

اردیبهشت ماه سال 1393




داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر




Admin Logo
themebox Logo