عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

جلد اول سؤز کروانی از شماره 1 تا 74

تاریخ:سه شنبه 8 فروردین 1396-09:34 ب.ظ



هوالّرحیم


 

 

سؤز کروانی


 

 ( کاروان سخن )



  

به قلم

 

 


عبدالله اخترنیا


انتشارات آشینا

 




داغ کن - کلوب دات کام
نظرات() 

200 ــ « خلقت آدم »

تاریخ:جمعه 31 شهریور 1396-03:37 ب.ظ


ای قلم ، گل سؤزی چؤخ ائیله میاق طولانی

عشق دریـاسینی غمـلر ائـده جـاق طوفانی

زینت و خشم طبیعت ایکی سی بـا هم دیر

حیف دیـر سئیر و سفر ائیـله میاق روحانی

وار الستین سؤزی  قرآندا ولی درکی محال

چؤخ چتیندیر اوتوروب نقد ائله ماق عنوانی

هانسی نـوری دی گلوب خالق ئیله گفتاره

نه ضرورت گـؤرونـوب خلق اولونـاق ربّانی

عالم ذرده بو تصمیمی دوتوب خالق و خلق

نییه گؤرستمه دیلر،  بیـزده گؤراق پیمانی

چرخ تقدیری اگر ، یـازسالار آزاد اولسون

الیمیز کاشکی چاتا لوحه ، سیلاق امضانی

ایکی مین ایل سؤووشوب خلق اولونوب خلق الله

عهـدینه ائتـدی وفـا ، اوُل کـرَمِ دانـایی

حضرت آدمی بیر میوه یه محکوم اولسون

نسل آدم بـو گناهه اولاجـاق قـربـانی ؟

نه ائیدی عومریلرین قیسسالانان اسراری

کی مین ایل عومری گلاق یئتمیش ائداق پایانی

فرقی یوخ ، خلقت انسان هامی سی باهم دیر

فرقی وار ، آغلادا یا ، گولدوره جاق پنهانی

باخیـرام جامعه یه قلبیمی آتش بؤرویور

بو سینیق قلبلرین کیم اولاجـاق درمانی

اختـرا ، حسِ رسالت سنی مجبور ائیـلر

یاندیراق شمعی گرک قلبی ائداق نورانی

***




داغ کن - کلوب دات کام
نظرات() 

190 ــ اثر ائیلر

تاریخ:جمعه 17 شهریور 1396-09:53 ق.ظ


قلبیم باشینی غصّه لی سـؤزلر کئدَر ائیلر

ئولدورمه سه مین دفعه ئولومدن بتَر ائیلر

هــرنه بـاشیما گلسه  قضادن نــه گلایه

امّــا بــو قضادن سـؤرا  مندن  قدَر ائیلر

بیر عدّه یاشار آغزی شیرین خّرم و خندان

آغزیمدا شیرین اولسا تؤپیرجَح  زهر ائیلر

خئس بؤغدی منی قلبیم آجیشدی قانا دوندی

گؤررم کی بو طرزیله منی خون جگر ائیلر

بیر عـدّه قـؤیار  بالیشه باش راحت وآرام

درد اهلی سیزیلدار گئجه نی تا سحر ائیلر

دونیا  بئله دور هر عمله عکس العمل وار

کیـم حـلّ معمّـانی بــؤلـر دربــدر ائیلر

عومریم زَمیسی تئز وَغَمه گئتدی صد افسوس

آیـا گینه صنعـانه او تــرسا  نظر ائیلر ؟

ایچ بـاده نی خلوتـده  نگاریـله صفا ائت

نـا محرمیـله صحبته یـاریم حـذر ائیـلر

اسرارینی حفظ ائت دیمه اغیاره آماندی

زاهیـد اؤزونی عشقیده صاحب نظر ائیلر

سجّاده و تسبیح ئیله  بــو رنـد ریـا کار

فیکر ائیله مه  بو دهریده خیر البشر ائیلر

بـاخ آینه ی خلقته گـؤر جلوه ی یـاری

کیـم عشقه بصیرتـله بـاخـا مفتَخَر ائیلر

قلبیمده کی چیرکین لری گؤز یاشی تمیزلر

بـو دانـه لـری  ایسته سه  دُرّ  گُهر  ائیلر

بو لطف یداللهی دی اختر بـاشون اوسته

بیر عدّه یه گؤررم کی سؤزون چؤخ اثر ائیلر

                                        ***                   شهریور ماه سال 1396




داغ کن - کلوب دات کام
نظرات() 

189 ــ قلبیمده

تاریخ:جمعه 3 شهریور 1396-10:24 ب.ظ


چـراغ منـزلیم آی دی گئجه  ویـرانـه قلبیمده

رفیق و همدمیم اولمیش رُخ جـانـانـه قلبیمده

گزَر بـو داغـلاری آهـو کیمین مستانه قلبیمده

دئـدیم ای ساقیا دولـدور ائچیم پیمانه قلبیمده

باخاندا گؤزلره گؤررم منی مست و خـراب ائیلر

یـانـار حسرتـله آی اولـدوز  نظاره آفتـاب ائیلر

عقیل بـؤلمز بــو اسراری سؤال بی جـواب ائیلر

نجور وصف ائیله سین عشقیم  اونـا افسانه قلبیمده

اگر فاش ائتسم اسرارین او اغیاره دیلیم یانسین

دییلمَز سؤزلریم قالسین اوره کده نسگیلیم یانسین

دگه سنسیز پریشان زولفیمه شانه تئلیم یانسین

او بوتیمار عشقون قویماسین دای لانه قلبیمده

مُنـایــا و بـلایـانی  بـؤلـوردوم  راه  عشقینده

یـانـان ای دل وجـودیم دیر شرار آه عشقینده

گلایم یؤخدی قالسام دا بیر عومری چاه عشقینده

گلر بیرخوش خبر نا گه دئدیم کنعانه قلبیمده

گؤزوم یؤللاردان آسلانمیش  قراریم هاردادور گلمیر

پاییز قورتولدو قیش چیخدی  بهاریم  هارادور گلمیر

منی آخ هجران ئولدوردو  نگاریم  هاردادور گلمیر

قوجاخلارشعله ی شمعی یانار  پروانه  قلبیمده

کؤنول پیمانه سی دولمیش لبالب قاندی واویلا

سینیب دیر زورق صبریم زبس طغیاندی واویلا

سچیلمیر یاخشلیق پیسدن عجب دوراندی واویلا

نـه چـؤخـلی آشنالر اولـدولار بیـگانـه قلبیمده

الیمده تیتره یئر مضراب چالمیر تاره آندولسون

مثال گول سؤلوب رنگیم جفای خاره آندولسون

دئدیم عشقونده حلاّجم طناب داره  آندولسون

یـازوبـلار لـوح عشقیم قـانیله دیوانه  قلبیمده

نـوالی نئی کیمی دایم سیزیـلدار  بینـوا  اختر

بو چرخ ایستیر بیزی ائتسین اؤزیله همنوا اختر

نه واردور الده بیر چاره نه بیر چون و چرا  اختر

چتین دیر طائر بختیم چـاتـا سامانه قلبیمده

***




داغ کن - کلوب دات کام
نظرات() 

184 ــ دوران گزور

تاریخ:جمعه 30 تیر 1396-05:45 ب.ظ


یــاز قلم ، یــاز آسمان عشقیده طرلان گـزور

یاز قلم یاز داغلارین باشین گینه جیـران گزور

یاز قلم چیخمیش چمنده چیتدیق و داغ مزه سی

سیلدیریم داشلاردا یاز داش بولبولی خندان گزور

قار یاغیش فصلین قوتاردیق بینوا بولبول اوخی

داغلارین دامانینی چـؤخ دیده ی گریان گزور

گئتدی معـراجه خیـالیم ، آختـارار دلـدارینی

یئدی گؤیده  بیر غریبه گؤرنه سر گردان گزور

قلبیمین الـدن آلـوب خـوف و رجـاع آرامینی

حیرتیم آرتـار کی گـؤررم کفریله ایمان گزور

وئرمیشم امضاء السته ، عـومـریمین فرجامینه

یؤخ سؤزوم یؤخدور گلایم هرنه جؤر دوران گزور

ئولمه میش کاش بیر گؤریدیم اوُل ید بیضاسینی

عومریمین شمعی کنارین قؤرخولی طوفان گزور

گؤزلرون نــور محبّت قـاشلارین تیـر و کمان

اختـرین روحین ، روانین صاحب نعمان گزور

***




داغ کن - کلوب دات کام
نظرات() 

183 ــ تالانمیشام

تاریخ:جمعه 19 خرداد 1396-09:11 ق.ظ


زاده ی نسل آدمم  عـزّتیـله  یـارانمیشـام

خدای عشقه آندولا بو عشقیده  تالانمیشام

بو زندگانلیقین آدی جفا و ظلم و جؤریدی

اگر بلا تـاپـوپ منی غـروریله  دایـانمیشام

جهانه من گلن زمان آنام چؤخ آغلاییب منه

الهی آیریلیق دادین قیزیم  ئولنده  دادمیشام

کهنه لباسی یتـدی ایل تبـرّکن آلـوب منه

زمان کچوب یکلمیشم او رمز و رازی قانمیشام

آندولا  امدیکیم  سوده جهاندا دویمیشام آنا

فکر ائـدورم زیـارته چـاتماقینا یـوبـانمیشام

طناب عشقی بؤینوما سالوب منی دولاندیریر

شمادت ائیله ینلره بـاخـان زمان  اوتانمیشام

مین ئوزلی بیر گؤزل دی بو وفا و حرمت آنلاماز

باخون سیز عبرت ائیله ین گؤرون نه حاله قالمیشام

فراموش ائیلورم سؤزی قالیر سینمده کیفسییر

گرکدی اعتراف ائدم عؤمور کئچیب قؤجالمیشام

روزگارین یاخشی پیسین یازماقا یوز کتاب اولار

فقط اشعـاره  ائتمـاقـا  اختریلن  دانیشمیشام

***

 




داغ کن - کلوب دات کام
نظرات() 

182 ــ یای اولسون

تاریخ:جمعه 19 خرداد 1396-09:10 ق.ظ


چؤخ ایستیرم که قئش چیخسین یای اولسون

گؤیده گئجه اولدوز اولسون آی اولسون

کیمین  آدی  اولسـا  سنـون  آدوننـان

 انتظاریم  واردی  سنه  تــای  اولسون

اوره کـده  سؤزلـریم  قالوب  پاسلانیب

قـویما سؤزلـر بو سینه ده زای اولسون

گلدیم گـؤرم  سنی یــولدان  قئیتدیم

ایسته مَدیم  محلّوزده  هــای اولسون

راضی اولما عؤمـریم بو غمده کچسین

گؤنـوم سنسیزهمیشه آخ وای اولسون

اوره ک یـانیر گؤزلـریمدن  قـان آخیر

قوی بولاقلار قوشولسونلار چای اولسون

اختر بـو جـور  بـاشلیاننان  قؤرخـورام

عقلی آزیب ، دیـوانه یـا  گای  اولسون

***




داغ کن - کلوب دات کام
نظرات() 

181 ــ اختر

تاریخ:جمعه 19 خرداد 1396-09:05 ق.ظ

تجـدیـد ائله دون عشقیـله ایمـانینی اختر

ترک ائتمه دون عالم بـؤیی جانـانینی اختر

سؤز کروانی سؤز مِلکی نه چاتدی گؤزون آیدین

تثبیت ائـله دون دهـریـده ایمـانینی اختـر

بــو نعمتی الله بــؤلـوسن هـامّیـا وئـرمَـز

ارزانی ائــدوبــدورسنـه احسـانینی اختـر

تحسین ائـدورم عـزم و ارادنـده خِلل یؤخ

گَل در پـؤزولان غنچه ی خنـدانینی اختر

عشقیله عقیل جنگینی باشدان نجه سؤودون

گیزلت هـامی دان قلعه ی ویـرانینی اختر

سن یؤل اوزونی مشگوله دائم سپر اولدون

چـؤخ وقتیده سالدون خطره جانینی اختر

بیر عؤمریدی سیننده یارین غصّه سی وادور

صِدقیله  یاپـوش غصه لی دامـانینی اختر

درک ائیلمه دیم عؤمریده من حکمت و نکبت

چون دردی وئرن وئرمدی درمانینی اختر

سؤز مِلکی نه قؤی شهریارین پرچمی اسسین

اوستادین اوخی سئومه لی دیوانینی اختر

گئت قبرینه یاد ائیـله او سلطان ادب دن

وئـر فـاتحه اُوپ قبـر پــریشانینی اختـر

***

 

روحش شاد ویادش همیشه پایدار




داغ کن - کلوب دات کام
نظرات() 

180 ــ گریان گئدیر

تاریخ:جمعه 19 خرداد 1396-09:02 ق.ظ


گؤردوم او گؤن دلبری ، زار و پریشان گئدیر

اوره کده مین بیر سؤال گؤزلری گریان گئدیر

گــؤزلـریمین ائـوینـده ، پـرپـر اولـور آرزو

عشقیم هر آی چکدی گل جسمیده کی جان گئدیر

گــؤزلـریمی یـؤمـانـدا خیمه وورار جمالین

گـؤزلـریمی آچـاندا هـالـه ی پنهان گئـدیر

بستر غم ده گلیب فــوری منی یـؤخلـویـار

سحر دورانـدا گـؤررم ، لالـه و ریحان گئدیر

عشقه کتاب اولماسین معلّمی چؤخدی چؤخ

مدرسه نی ترک ائدیب ، یـار دبستان گئدیر

نبضیمه باخما حکیم ، یؤخدی قراریم منیم

یان اوره گیم غمده یان دردیمه درمان گئدیر

نــوار قلبی گـؤروب ، بـاخما مشخّص یـؤلا

ائیری بؤروق یؤللاری ، عقل هراسان گئدیر

دونیـا دییوب اختـرا ، یازماقا غمخـانـه یاز

بعضی لرین عؤمری چؤخ بعضی چؤخ آسان گئدیر

***




داغ کن - کلوب دات کام
نظرات() 

179 ــ اظهار ائله مه

تاریخ:جمعه 19 خرداد 1396-08:56 ق.ظ


ای کؤنول عشق آدی اوستونده دی  انکار ائله مه

بــؤلـه نـه ، بـؤلمه ینه سـرّینی اظهــار ائله مـه

سنی هــامّی تــانییر تیــر وکمـان نـابغـه سی

آرشی سلسلـه ی عشقـه گـــرفتــار ائـلـه مـه

هـر اوخو سینه مه وئیردون ، یئرینه لاله بیتیب

لالـه لـر دسته گـولـون تحفه ی اغیـار ائلـه مه

اوخودوم زولفون حدیثین ، سؤزومه باخمادیلار

منی بـــو سـرّ احـادیثه ، گنـهـکار ائـلـه مـه

شیری وور باش باشا بهرام کیمین تاجی گؤتور

موبدان نقشه سی نی جنگ ایله هموار ائله مه

اژدهـا نفسیم اگـر ، گنَـج ئیلـه طـولار عقیلی

کفتر عشقی اؤچوت ، طعمه ی سوسار ائله مه

آیت الکرسی اوخــو قلبـون اولا پـاک و زلال

طوطی نفسیوه تـاپشیر داهـا تکـرار ائلـه مه

آتش عشقیویلـه یـانـدی بـلا دیـده کـؤنـول

کـؤلـومی سپ سـولارا روحیمی آزار ائلـه مه

اختـری هجـریلـه آواره ده ائتسون نـه غمیم

آشنـای حـرمِ نفسِ ، شــرر  بـار ائلــه مـه

***


درتاریخ سلسله شاهان ساسانی و بهرام گور ودر تاریخ طبری آورده اند

یزدگرد اول سه پسر به نام‌های شاپور و بهرام و نرسی داشت. هیچ‌کدام به هنگام مرگ پدر در پایتخت نبودندشاپور شهریار ارمنستان  بود. نرسی شهریار خراسان و در  نیشاپور بود و بهرام در حیره بود. مادر بهرام، شوشاندخت نام داشت که دختر راس الجالوت زمانه رهبر یهودیان بود روایت هائی که منشأ آن عربها بوده‌اند، گوید که بهرام از کودکی به  نعمان منذر امیر عرب حیره سپرده شده بود تا نزد او پرورش یابد. بنابر این روایات، بهرام در هفت مین روزماه فروردین به دنیا آمد و اختربینان به یزدگرد گفتند که او در آینده  شاهنشاه ایران خواهدشد بزرگان کشور که از سیاست‌های یزدگرد اول ناخشنود بودند، مایل نبودند که پادشاهی  در کسی از پسران او ادامه یابد و یکی از ساسانیان را که خسرو نام داشت، به سلطنت نشاندند. شاپور پس از دریافت خبر مرگ پدرش از ارمنستان به سوی پایتخت حرکت کرد، ولی بزرگان هوادار خسرو وسائلی انگیختند و او را در راه از میان برداشتند. اما پسر دیگرش بهرام به حمایت بخشی از سپهداران و به کمک سپاهیان پادگان حیره به سوی تیسپون حرکت کرد دربین راه خسرو مانع شد بهرام گفت اگر چه شاهنشاهی میراث من است ولی حاضرم  با تو تن به تن نبرد کنم هر که پیروز شود پادشاهی از آن او باشد،و یا تاج و زینت پادشاهی را میان دو شیر  گرسنه بگذارند هر که از میان آن دو شیر بردارد پادشاه باشد چون مردم دانستند که خسرو طاقت نبرد با بهرام را ندارد. قرار شد که تاج میان دو شیر بنهند. دو شیر شرزه آوردند و گرسنه ببستند، و تاج و زینت پادشاهی در میان هردو شیر نهادند و شیران را فراخ ببستند و خسرو را حاضر کردند؛ و بهرام خسرو را گفت پیش برو تاج بردار تااین پادشاهی برای تو باشد خسرو گفت: تو به نبرد آمده‌ای تو برو بهرام پیش خرامید و گُرزی در دست گرفتمؤبد مؤبدان او را گفت: ما از خون تو بیزاریم به این خطر که بر خویشتن می‌کنی. جواب داد که « همچنین است » و چون نزدیکتر رسید شیری از آن دوگانه روی به او نهاد، بهرام چابکی کرد  و بر پشت آن شیر نشست و به هردو پهلوهاش بفشرد و لخت بر سرش می‌زد تا کشته شد؛ پس روی به آن شیر دیگر نهاد و چون شیر از جای برخاست یک گرز به قوت بر تارک سرش زد چنان‌که از آن زخم سست شد، پس گلویش بگرفت و سرش بر سر آن شیر دیگر که کشته  شده بود می‌زد تا به مرد و برفت و تاج برداشت؛ و مردم از آن حال در شگفت ماندند و بر وی آفرین گفتند: همگان تسلیم شدند، و خسرو پشت پای بهرام ببوسید و گفت: سزای تاج و تخت توئی، و من نه به اختیار آمدم؛ باید که مرا زینهار دهی تا بعد از این بندگی کنم. او را زینهار فرمود و بنواخت و خدمت خاص فرمود.

 

 




داغ کن - کلوب دات کام
نظرات() 

178 ــ آه و زاریلن

تاریخ:جمعه 19 خرداد 1396-08:51 ق.ظ


کچدی جهاندا عـؤمریم عجب روزگاریلن

بـاش اگمه دیم  بـو ذللته من افتخاریلن

بیرلحظه غفلت اولدو منه مـایه ی عذاب

یانـدی چمنده خرمـن عشقیم شراریلن

قـورتـار آمـانـدی انکـرۀ مینوئیدن منی

 قـؤیمـاز اهـورا مـزدا  قالام شرمساریلن

سن سن بو خلقت ایچره اگر رب النّوع حُسن

ئـولـدور منی اسیر ائلـه مـه آه و زاریلن

شمس و قمر گؤزل لیگینی محو ائدیب آدون

عــاجـز قـالـوبـلا خلقتیوه اوُل وقـاریلن

بـانـوی نیل سن سنی دریا دوغـوب مگر

ائتمیش جزیره لرده جا و مکان اعتباریلن

دریـای عشقه زورق امّیـدی  وورمـیشام

گـؤردوم اؤزوم گؤزومله سنی بوتیماریلن

سالک همیشه جلب رضای حـق آختارار

جلب رضـای حقّی تـاپـار عشق یـاریلن

ای باغبان باتیب الیوه چؤخ تیکان سنون

قؤرخوم بودورکه گول پؤزولا رنج خاریلن

هرجؤر سؤزو بؤروشدورورام گیزله دممیرم

آلمیش قـرار صبریمی اؤل زولف تاریلن

گونلر دولاندی هفته لر آیلار ایل اولدولار

اختر عؤمـور قوتـاردی حئیف انتظاریلن

***


شرار: آتش

نیل : به رنگ آبی ،

انکرۀ مینو: فکر وخیال بد

زورق : کشتی بسیار کوچک

بوتیمار : پرنده‌ای ماهی‌خوار با منقار کشیده

ربّ النّوع حُسن : الهه زیبائی ، مالک حُسن نیکو

اهورا مزدا : در کتاب مقدس اوستا به معنی خداوند است




داغ کن - کلوب دات کام
نظرات() 

177 ــ مسلمانم من

تاریخ:جمعه 19 خرداد 1396-08:48 ق.ظ


بـاغ و بُستاندا گزَن ، بـولبـول نـالانم من

بو پـؤزولمیش چمنه ، قلبیده حیرانم من

بیر بؤداق اوسته یـؤوا باغلامیشام عالمده

یئل ووروب شاخه اَسَن وقتیده لرزانم من

دئیسه مضراب سیمین اوستونه تللر تیتیرر

یاریمین زولفی کیمین گؤرنه پریشانم من

قوجالاندان اؤزومی آینه ده پیس گؤرورم

او خوسوف دان یارانان ، ابرده پنهانم من

باشیمین آغلیقی آخـر منی رسوا  ائیله ر

یـازیلیب آننیما عـالمده که صنعانم من

سیله رم عکسیوی من عِطر گل و عنبریلن

عـود وغـم مجمریه عشقیده سـوزانم من

گرچه بلقیس زمان  شاه سبا سن بؤلورم

دیـو و جـن و پـری و بحره سلیمانم من

اهل زونّـار وئـریبـدور سنه  طـوبـا لقبی

حق دی تـورات و زبـور امّا مسلمانم من

کیلپیگیم چالمادیم آئینه کیمی بیر لحظه

یاریمین کوچه سینه بس که نگهبانم من

گئجه اللهَ قسم ، ایتلریلن صبح ائتدیم

اوتانـوردوم اؤ اؤزومدن ، دییَم انسانم من

اؤ کچن گونلریمیزساقی گرَک یاد اولسون

ایندی میخانه ایچون دست به دامانم من

اخترا بـاغـلادیـلارظلمیله میخـانه لـری

بوغـزل خوانی دَگیل  مرثیه گویانم من

***

  

روزها و شبها همچون جویباری در حال گذر است .

تا وقتی به خود آمدیم و چشم گشودیم بسیار دیر شده بود.

هنوز هم امروز را به امید فردای نا معلوم و مبهم سپری می کنیم.

از وقتی پا به عرصه ی گیتی نهادیم بر زندگی محکوم شدیم .

زندگی یعنی حیات

زندگی یعنی امید

زندگی یعنی همه چیز

دیگر چه شوق و چه گلایه ودیگر چه سخن ؟




داغ کن - کلوب دات کام
نظرات() 

176 ــ روزگار ائتدی

تاریخ:جمعه 19 خرداد 1396-08:45 ق.ظ


بـاشیمـا هـرنـه بــلا گلـدی روزگار ائتـدی

اوره کـده گیزلین اولان سرّی آشکار ائتـدی

بهــار لــذّتینی ، زاغ ئیــله زغــن گــؤردو

قفسده  بــولبـول شیـدانی بی قـرار ائتـدی

داغیتـدی کـاخ  سلیمـانی ، طـاق کسـرانی

خـرابـه  قـالمـاقینـا ، دائـم  افتخـار ائتـدی

آمـانـدی بـاغـلاما دل بـو عجوزه  دور مکّار

کیمین دوداقی گؤلـوب فـوری داغدار ائتدی

تمـام سـاحـر و رمّـالی ، کیش و مـات ائیلر

اوتـؤزدو کیمسه  بـو  مـکاریله  قمُار ائتـدی

ائیله یـور قتل و جنـایت هـدف شـوم  اوسته

او کی پیمـان اَلست امضـاسین انکار ائتـدی

او کی عاشق دی وئـریب دونیـا مالین معشوقه

او کی مکنت واریـدی کعبـه یـه زوّار ائتـدی

او کی مخصوص غـذا وئـردی سفارش اِیتینه

اوکی ئولمیش تؤیوغون طبخینه اقـرار ائتدی

نیه داش توپـراق اولان کعبه اولور فوق عمل

او کـی الله بـگنن کعبـه نی خـونبـار ائتـدی

اوکی دیـوانه دی هـر غمـدن اولـوب آسـوده

اوکی عاقل دی اونـون روحی نی بیمار ائتدی

اوکی عشقینده ریا ائیله دی سر مست اولدی

او کی دوز عاشقی دی ظلمیله بـر دار ائتدی

او کی وارسته بیـر انسانـدی چـاتـار معبـوده

او  کـی  الله  آدینـی  زینت  گفتـار  ائتـدی

او کی آی چیخدی گئجه اینجیمه سین کروانلار

او کی  یـؤلـلاردا آزیب اختـره اظهـار ائتدی

***




داغ کن - کلوب دات کام
نظرات() 

175 ــ صنعانیوم سنون

تاریخ:جمعه 19 خرداد 1396-08:39 ق.ظ


یازدیم اوره ک ده قانیله ، قربانیوم سنون

بیر عؤمریدور بو دهریده حیرانیوم سنون

پروانه یم ، فـراق شمعه چؤخ دؤزنمه رم

گؤررم یؤخومدا هر گئجه مهمانیوم سنون

گؤردی جمال ماهینی آی قاچدی گیزله نه

ایستر دئسین که هاله ی تـابانیوم سنون

آتدیم  نماز و روزه  و  محراب  و منبری

ایندی طریق عشقیده  صنعانیوم سنون

من عشقیوین بو شهریده انگشت نماسی یم

خیردا بؤیوک بؤلوله ، که خواهانیوم سنون

اغیــاری قــؤیمـارام گله ، بـو آستـانیه

آخ من حـریم عشقیده دربـانیوم سنون

اولدوم غـلام حلقه به ، گوش اختیاریلن

پیمـانـه الـده ، تابع ، پیمـانیـوم سنون

قربان اولوم ، بـو عـزّت و جاه و جلالینه

شهلا گؤزونـده قطره ی غلطانیوم سنون

بیر گؤن گلنده گؤرمه گیمه خویش و اَقربا

آختارسالار دییلله که چـوپانیوم سنون

سانما عبث دی اختـری ترک وفـا ائـده

عهدیم بودور ئولونجه غزلخوانیوم سنون

***


شیخ صنعان

گـر مــرید راه عشقی فکر بدنـــامی مکن 

شیخ صنعان خرقه رهنِ خانه خمار داشت 

  پیر و بزرگ عهد و زمانه‌ی خویش بود كه با چهارصد مرید در مكّه زندگی می كرد و به تعلیم و هدایت می پـرداخت او نزدیك 

50 حج و تعداد بی شماری عمره بجا‌ آورده بود  

اما شبی خواب می بیند كه در روم بتی سجده می‌كند وقتی بیدار می‌شود به این نتیجه می‌رسد كه سفر به روم گذرگاهی

 در سیر و سلوك اوست كه باید حتماً از آن بگذرد  تا  به مقصد نهایی  زندگیش  برسد بنابر این به همراه  مریدانش به  روم  سفر

می كند در نزدیكی دمشق دختری ترسا (مسیحی)  را می بیند و به یكباره دل و دین به او می بازد . او كه شب‌های بسیاری را به

 عبادت بیدار بوده‌است شب‌های فراق عشق را بسیار جانگدازتر می بیند.

 و هرچه مریدانش او را پند می دهند سودی نمی‌بخشد در كوی یار معتكف می شود و چون دیوانگان با سگان همنشین می گردد.

ترسا پذیرفتن عشق او را مشروط به قبول كردن یكی از این چهار شرط می‌كند :

1- به بت سجده كند   2- قرآن را بسوزاند   3- مسیحیت را بپذیرد   4- شراب بنوشد

 با نوشیدن شراب ، شیخ هرآن چه از قرآن و احادیث و كتاب های مذهبی در ضمیرش بود ، پاك می‌شود بجز عشق معشوق .

 یاران شیخ در آنجا چهل شبانه روز به عبادت و اعتكاف می‌پردازند و برای نجات شیخ دعا می كنند تا عاقبت ، رسول اكرم (ص (را به

 خواب می‌بینند.

كه مژده نجات شیخ را می دهد شیخ باده به دست از دربانی و چوپانی و... توبه می کند وبا مریدان راه مکه را در پیش می گیرند .

 اما ترسا نیز در خواب می بیند كه خورشیدی بر او ظاهر می شود و به او می گوید به دنبال شیخت برو و پیرو و همدین او باش و 

چنان كه در عشق مجازی او مرید تو بود اكنون كه او به حقیقت و عشق آسمانی رسیده‌است ، تو مرید او باش.

دختر چون بیدار می‌شود نوری از حقیقت در دل خود می بیند و شوریده حال به دنبال شیخ می‌رود. به شیخ نیز الهام می شود كه 

دختر ترسا به سوی تو می‌آید اما این بار آشنا با درگاه الهی است. وقتی رسید گفت .

دیگر طاقت فراق در من نمانده است. از این خاکدان پر دردسر می‌روم و از تو عفو می‌طلبم و مرا ببخش. این سخن گفت و جان به 

جانان سپرد.

 

 




داغ کن - کلوب دات کام
نظرات() 

174 ــ یک دانه سن

تاریخ:جمعه 19 خرداد 1396-08:35 ق.ظ


شهرت و جـاه و جلال و منصبِ شاهـانه سن

راه پـاک عـاشقی ده یک دل و یک دانه سن

زنده گانلیق دخمه سینده  بؤببو تک اِیلممیشم

مُشک نــاب و عنبـر آسـای دلِِ دیـوانه سن

مین نفر مانی چکمَمز قاشلاریندا بیر تؤکؤن

قـدرت نقّاشه بیـر بـاخ  بنزیسن جیرانه سن

آرزو ائتدیم ئـولم عشقونده  نیلوم ئولمه دیم

من یانان شمع اولدوم آخیرده ولی  پروانه سن

بـؤلمورم هانسی عملدن آنـلادون اسراریمی

بو دلی دیـوانه نی چکدون بو جؤر هریانه سن

من بیر آواره قوشام آدیم فقط اسکول دگیل

بو بیابانلاردا  ئوللم  وئرمه سؤن گر دانه سن

قلبیده بیر بُت واریم عشقیم سجود ائیلر اونا

بو مقدّس خانه یه سن سن که صاحب خانه سن

من کتاب و درس و مشق و مدرسه بیزارییَم

مکتبِ عشقیله چـاتدون عـاقبت عرفانه سن

صومعه و مسجیدن آخر چاتمیشام میخانه یه

یا منی کافر حساب ائت یا  گتور ایمانه سن

سلسبیل و کـوثر و تسنیم اولسون زاهیدین

شهدِ نـاب لبلرونـدن دوت  منه پیمانه سن

اخترین اشعاری عینِ نغمه ی  داوودی دیر

ساخلا  وئر یازدا  گلنده مرغ خوش الحانه سن

***

 

اسکول : نام  پرنده ا ی است وقتی برای زمستان غذا جمع آوری می‌کند محل نگهداری آنها را فراموش می‌کند و بخاطر همین با

 مشکل مواجه می شود، یا هنگام خانه سازی فراموش می کند که خانه اش را کجا ساخته است، اسکول اگر از لانه اش بیرون

 بیاید راه بازگشت را پیدا نمی کند.

 ولی عده ای معتقد هستند که اسکول از نوع پرنده گان دریایی است وامکان فراموشی وجود ندارد.




داغ کن - کلوب دات کام
نظرات() 

173 ــ داخل اولماسین

تاریخ:جمعه 19 خرداد 1396-08:32 ق.ظ


گـؤتـدوم حجابی کلمه لـره حـائل اولماسین

سئچدیم یازاندا مصره نی تا با طل اولماسین

عشـقون ، مقـدســاتِ  دلِ  کبـریـائی دیــر

کافـر حـریم عشقه دییون ، داخل  اولماسین

آچ  زولفینی ، نــوازشینه  فخـر ائــدر نسیم

شبنم اؤزوندن اؤپبه کینه ، مـایل اولماسین؟

شـایـد جفای خـار ، گـوله حـرمت آرتیریب

عاشق اولان او خار و خسَ  غـافـل اولماسین

ایمان و عشقیدن ، قورو آد  واردی سینه ده

گرداب غمده  قالسادا گر،  ساحل  اولماسین

گـر قـانع اولسـا حقّینـه ، بـو نسل بـؤالبشر

دونیـاده بیـر نفـر ده گرک ، سائل اولماسین

انسان اؤلاق جهـانـدا بـابـا ، مـذهبی بـؤراخ

قارداش آماندی هابیل یلن ، قابیل اولماسین

هرکس به نوعی عؤمر اؤزونی درد و غم چکوب

عبرت گرکدی انسانا  تـا ، جـاهل اولماسین

اختر گؤزوم ساتاشدی گؤزه استی دیـزلریم

قوخدوم بو جانی بذل ائله یَم مایل اولماسین

اؤپـدیم ، صـداقتیله اؤزوم ، آستـانـه سین

شـایـد کؤنـول ، زیـارتینه نـائل اولماسین

***

 

 




داغ کن - کلوب دات کام
نظرات() 


  • تعداد صفحات :13
  • 1  
  • 2  
  • 3  
  • 4  
  • 5  
  • 6  
  • 7  
  • ...  


Admin Logo
themebox Logo