عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

جلد اول سؤز کروانی از شماره 1 تا 74

تاریخ:سه شنبه 8 فروردین 1396-09:34 ب.ظ



هوالّرحیم


 

 

سؤز کروانی


 

 ( کاروان سخن )



  

به قلم

 

 


عبدالله اخترنیا


انتشارات آشینا

 




داغ کن - کلوب دات کام
نظرات() 

149 ــ آموزگار

تاریخ:جمعه 5 خرداد 1396-09:51 ق.ظ


حسرت باغیندا گـؤزلـرَم او انتظاریم هاردادی

یتیش دی جان دوداقیمه بو احتضاریم هاردادی

بوگوللرین ایچینده یؤخ منیم گولوم تاپانمورام

سینئیدی گلچین اللری او گلعذاریم هاردادی

بیـر عـؤمری دور نگاریمین اسیر مـه جمالیام

اوره کده یؤخدی طاقتیم او لاله زاریم هاردادی

معلّم اورگـدیب منـه صـداقت و وفـا یـؤلـون

منی او مدیون ائیله ین آمـوزگاریم هـاردادی

آچاردی درس و بحثینی کتاب روزگـاریـدن

دییَردی مشق ده یازون او غمگساریم هاردادی

کیلپیک چالانمادیم گئجه دئـدیم گلر کئچر گِئدر

الیمدن اختیار آلوب منیم قـراریم هـاردادی

چیخینجا صبح دان اؤلدوزو من آغلادیم نئی آغلادی

گلینجه دائم آغلارام  او چشم زاریم هاردادی

افسرده حـالین اختـرا ، آزرده ائتمه بیـر بئله

گلوب گئدندن آز سؤروش او نازلی یاریم هاردادی

***




داغ کن - کلوب دات کام
نظرات() 

148 ــ غزل خانواده گی

تاریخ:جمعه 5 خرداد 1396-09:45 ق.ظ


سؤز بئله گلدی دئدیم دلبریمی یاد ائله ییم

بیر قورو نامه یازیم قؤی اوره گین شاد ائله ییم

بؤلدولر عشقی فقط آیریلیقی دوشدی بیزه

من نه قدر زجر چکیم وصلینه بیداد ائله ییم

ایسته ییرم غربت آدین کّل بو دفترده سیلیم

وطـن آواره سی نی حصردن آزاد ائلـه ییم

چـکدیلر خسرو وشیرین سؤزونی هی قلمه

منـده لابد قلمی تیشه ی فـرهـاد ائله ییم

چاتدی سؤزکروانی مقصودینه یؤخ اوندا سؤزوم

ایسته ییرم ایندیده سؤز ملکی نی آباد ائله ییم

منه ارثیه وئریب بزمی دایم شعر دیمه گی

قؤی بو عارف آدینی شعریده فریاد ائله ییم

اسـدالـه و محمّـد ، فــرج الـه بــابــامیـز

یـازا تاریخ لر آدین ذکر بـو اجداد ائله ییم

آتامین سکگیزاوشاق حلقه وورار دوره سینه

حلقه ی مهر آدینی حلقه ی میعاد ائله ییم

آتـالار روزگارین ، دُرّ گـران مـایه سی دی

هرنه دُرّ اولسا دییرَ، تحفه ی اولاد ائله ییم

تیمور، عبـدالله ، محمّـدعلی دور، قربـانعلی

قلب لر بیر بیره باغلی ، نجه ایـراد ائله ییم

فـاطمه ، عـالمه ، مهدیّه خدیجه یغیشون

گؤزیاشیلان آغاران ساچلاری شمشاد ائله ییم

باجی قارداش لیقین عالمده بیوک لذّتی وار

یئـری وار شرح غمِ تک تک افـراد ائله ییم

یازماسام یاخشی دی پرگاریمیزی پؤزدو فلک

ایسته ییرم شاد سؤزولن سوزلری دلشاد ائله ییم

قلبی میز بسکی کویردی بونی دریا دویوماز

چایلاری ، چشمه لری ، جاری مرصاد ائله ییم

سئومه لی قومیدک هئچ ، بیزده تعصّب واریدی

بیر نفر یؤخدی دیسین بیر کسه امداد ائله ییم

هـامی بیگانه کیمین بـزم عـزاده گـؤرونـور

منده اختر نه لیاقت ، بیـرین ارشاد ائله ییم

***

 




داغ کن - کلوب دات کام
نظرات() 

147 ــ دؤزَممورم

تاریخ:جمعه 5 خرداد 1396-09:43 ق.ظ


صبا دینن نـگاریمـه ، دوزم میرم  فـراقینـه

قفسده باغلانوب قئچیم ،گلم میرم سراغینه

قضا وئریبـدی حکمینی قَدَر ولی یؤبـاندیریر

یازام میرام او سؤزلری ، دییه مّیرم  قولاقینه

بو عقل و عشقیلن منیم ایشیم قالوب قیامته

آلــوبـلار اختیاریمی ، گِئـَده مّیـرم قبـاقینه

غریبه اولمیشام عجب ، تیکان یاخینلاشیب گوله

گؤزوم یاشین عقیل سیلؤر توکه مّیرم ایاقینه

لطافتین بؤلن گولون  سالوب یئره  ایاقلاماز

اوغملی بـاغبان کیمین  دَیه  مّیرم بؤداغینه

یارین اتاقی هر زمان گؤزومده قبله گاهیدور

اوآیـریـلانـدان ایندییه ، گیرَم میرم اتاقـینه

منیم جوانلیقیم گئدیب بو دهریده قوجالمیشام

بیراود دوشئیدی ای خدا دییه مّیرم تفاقینه

بو خیرداجا مکان منه بیت الحزن دی اخترا

نه فایدا بیـر کاخیم اولا ، کِچَه مّیرم رواقینه

***

 




داغ کن - کلوب دات کام
نظرات() 

146 ــ آیین مهر

تاریخ:جمعه 5 خرداد 1396-09:40 ق.ظ


کیمدور سنه یارب دیمه سین منظر خوبان

بــو خلقت والایـه  قـالـوبـدور بشر حیـران

عقلین نــه قَــدَر، وسعتی اولسا گینه آزدور

سن سن ، اوجــا داغلاردان اوجا بـاور انسان

سقراطه دی مکتب قاپوسی باغلانیب هیهات

بــؤدا ، اولــــوب آینینه ، پیغنبــر دوران

زهـریـن اثـرینـدن  او گئجه نـابغه ئـولـدو

تـوپراق سـؤووروب بـاشینه اسکندر نـالان

افــلاطـون  ارسطو ائلـه دی علمی شکـوفا

بـاغلی قـاپـونی ائتدیلـه ، بــاغ درِ رضوان

هر باده نی ایچدیم ، منی تاب و تبه سالدی

ووردوم  یئره سیندی ، داغیلیب ساغر الوان

میترا کیمی گل  قـؤی قدمـون معبد مِهره

گؤرسونله کی دیداره گلوب ، سرور کیشان

بـو دخمه منیم ، خانه ی بیت الحزنیم دور

یوسف دیمه ، دلمیش جیگری خنجر برّان

آیریلماقیمیز کؤزدو  قالوب دور کؤلون آتدا

یانــدیـرسا نه چـاره ، منی خاکستر سوزان

آچما اوره گین بوخجاسینی گؤرمه سین اغیار

گل قـاضی وجــدانـه آچـاق  دفتـر هجران

گئت من دیمیرم هاردا کؤنول خوشدو خوش اولسون

قـؤی خـاطره لر، قالسین ائله  اختره مهمان

***

 

 

سقراط :  فیلسوف بزرگ یونانی اهل آتن و از تأثیرگذارترین افراد به فلسفۀ اسلامی و فلسفۀ غرب بود. در سال ۳۹۹ پیش از میلاد، نزدیک به دو هزار و پانصد سال پیش در دادگاهی قانونی، در حضور یک هیئت منصفه سقراط به اعدام محکوم شد جرم وی فاسد کردن جوانان  و  بی‌اعتقادی به خدایان  بود.

افلاطون : دوّمین فیلسوف از فیلسوفان بزرگ سه‌گانه یونانی سقراط،  افلاطون و ارسطو است . افلاطون نخستین فیلسوفی است که آثار مکتوب از او به جا مانده است. همچنین بسیاری او را بزرگ‍ترین فیلسوف تاریخ می‌دانند.

ارسطو : او یکی از مهم‌ترین فیلسوفان غربی به حساب می‌آید. او در سن هجده سالگی به آکادمی افلاطون راه یافت و به مدت بیست سال در مکتب افلاطون کسب دانش کرد و آموزگار اسکندر مقدونی بود.

اسکندر: پادشاه مقدونیهٔ باستان توانست تا پیش از رسیدن به سن سی سالگی یکی از  بزرگ‌ترین امپــراتوری‌های دنیـای باستان را شکل دهد که از  دریای یونان تا  هیمالیا گسترده بود.او در جنگ‌ها شکست‌ناپذیر می‌نمود و هرگز شکست نخورد از اسکندر به عنوان یکی از موفق‌ترین فرماندهان نظامی در سرتاسر تاریخ یاد می‌شود.




داغ کن - کلوب دات کام
نظرات() 

145 ــ قربانلیق

تاریخ:جمعه 5 خرداد 1396-09:34 ق.ظ


بولبول سئوینَر، بـزم گولوستانی گؤرنده

گول عشوه ائـدر، بولبول دستانی گؤرنده 

گـول منظر پـاکی و صداقت دی جهاندا

منـده سئـورَم ، جمله محبّانی گـؤرنـد ه 

ایللردی بو تخته قاپونی بیر دئیوَن اولماز

روحیم پرآچار قوش کیمی مهمانی گؤرند ه 

گیزلینجه اوره ک سؤزلریمی آچما غزلده

من ساخلامیشام سؤزلری جانانی گؤرنده ؟  

درد و غمیمیز سینه ده شیشدی ورَم ائتدی

درد اهلی گـؤلر، دردینه درمانی گـؤرند ه 

عشق عالمینی درک ائِدن اولماز مگرعاشق

تهُمت وورالار مـــریمه عیسانی گـؤرنده 

بیرعـدّه لری حقی دانیب ، دینی ساتانلار

ئـولسون گـرَک اعجاز مسیحانی گـؤرند ه 

دریـایه آتـانماز اؤزون امـواجیده هـرکیم

غـوّاص گِئدَر قعرینه مــرجـانی گـؤرنده  

عشقینده وئرن اوغلونو قـرباندا بشردی

به به دئدی گؤی اهلی بـوتقوانی گؤرند ه 

هرنه ائله دی ، کسَمدی چاقو دئدی یارب

حتما الَیـم اَستی ، رُخ زیبـانی گـؤرنـده ؟ 

سَس گلدی داها کَسمه الین ساخلا خلیلیم

کَس هابیل ائـدن تحفه و قربانی گؤرنده 

کَسدی قؤچی سؤندان اوشاقین ال قؤلون آچدی

هاجر بؤغازیندان أوپوپ احسانی گؤرنده 

دونیاده آتا ، هم آنا ، اولادی چؤخ ایستر

دوزمَز آناسی ، نـوگول خندانی گـؤرنده 

اختر آناوین حقّینه هـرگؤن اوخی قرآن

وئـرفاتحه اوُل قبــر پـریشانی گـؤرنده 

***

اگر یک جرعه زمزم، تشنه ای را سیراب می کند، اگریک قطره اشک، صد دوزخ را خاموش می سازد. علم، آب حیات است که اسکندرها در پی آنند و چشمه آن در دل است . اگـر کعبه از سنگ و خـاک است ، اینجا جـلوه دل از نـور پـاک است ، اگـر آنجا

« مشعر »  است، اینجا مشاعر است.

اگر آنجا « عرفات » است، اینجا معرفت است، اگر آنجا «خوف» است، اینجا بیم و امید. اگر آنجا با «تقصیر» از احرام بیرون می آیند، تقصیر این جا « توبه » است. آنجا هدی را قربانی می کنند، اینجا هدیه به جانان می آورند. حاجیان اگر گوسفند می کشند، عاشقان سرخوش از کشتن نفس اند.




داغ کن - کلوب دات کام
نظرات() 

143 ــ قلعۀ ضحاک

تاریخ:جمعه 5 خرداد 1396-07:29 ق.ظ


گؤردوم که دوتوب کؤنلومی بیجا خس و خاشاک

سیلدیم کئَدری کینه نی چون آینه ی پاک 

گـؤردوم  بـو یــؤلون اولی وار آخری اولماز

روحیم پرآچوب جسمیم اولار سیطره ی خاک 

دونیـایه گلن لـر، هامیسی قالمادی گئتدی

یــؤخ کـاوه آهنگر و یوخ قلعه ی ضحاک  

بـو خـون سیاوش دی آچوب لاله ی الوان  

رستم دئدی سیندیردی بئلیم حیله ی سفّاک 

سنـدن سـؤرا ، امیّد وصـالیم کسیلیب دور

حسرتله بـاخار یؤللارینا دیده ی غمناک

گئتدیم گئجه گؤندوز درِ میخانه نی کسدیم 

زاهید دئدی ایچدون نیه بس باده ی ناپاک

گل مسجده گـؤر، منبر و محراب و عبـادت

کیمدور، گله واعظ سؤزونی ائتمه یه ادراک

از بس دؤلـو وورموش ، منی صحرای بلاده

چؤخ لـذّتی واردور منه افسانه ی کولاک 

عشقین اودو یاندیرسادا عالمده گؤزل دور

قؤی وورسون اؤزون شعله یه پروانه ی بی باک 

اختــر منم عشقـونده ولی ، گؤیلـر اسیری

سن عالم عشقین گـؤزه لی زُهره ی افلاک

***
 کاوه آهنگر : در شخصیتی اسطوره ای متعلق به ایــران  باستان است.  

آمـده که او قیامی مردمی علیه فــرمـانـروایی به نـام ضحاک را پی می ریزد. نشان جنبش    او درفش کاویانی پیش بند چرمی اش است . که بر سر نیزه ای می آویزد . شخصیت وی نـزد ایـرانیـان همواره  الهام گـر. داد خـواهی  و ظلم ستیزی بـوده است.

سیاوش :

سیاوش از ازدواج زنی از سلاله گرسیوز با کیکاووس زاده شد. کیکاووس، سیاوش را به رستم سپرد؛ رستم، در زابلستان، سیاوش را آیین سپاه راندن و کشورداری آموخت. چون سیاوش از زابلستان به کاخ پدر بازآمد، کاووس وی را نواخت و به شادی آمدن فرزند جشنی برپا کرد

سودابه دختر شاه هاماوران شیفته سیاوش شد چنان که در نهان، پیکی به سوی سیاوش فرستاد و او را به شبستان شاهی فراخواند؛ سیاوش نپذیرفت. روز دیگر،    سودابه نزد شهریار رفت و از وی دستوری خواست که سیاوش را به شبستان بفرستند تا وی از میان دختران همسری برای خود برگزیند.

سیاوش، به ناچار به شبستان رفت. در بار سوم، سودابه، سیاوش را به نزد خویش فراخواند اما سیاوش برآشفت و به تلخی از آنجا برخاست. سودابه، کاووس را باخبر کرد و سیاوش را متهم ساخت. کاووس، در این اندیشه بود که سیاوش را به کیفر گناه بکشد اما در آزمایشهای متعدد بی گناهی سیاوش اثبات شد. چون شاه خواست سودابه را بکشد، سیاوش وساطت کرد و او را از این کارمنع کرد




داغ کن - کلوب دات کام
نظرات() 

142 ــ پریشان اوللام

تاریخ:چهارشنبه 20 اردیبهشت 1396-08:44 ق.ظ

                                                 
من دئدیم عاشق اولوب دهریده انسان اوللام

هرکیمین دردی اولار دردینه درمان اوللام  

منی سینایه چکور عشق ،گؤرَم جلوه ی نور

بــو یهود قـومیله من ، راهی کنعان اوللام  

چـؤخ قضاء و قَدَری وار بـاشیمین دونیاده

بـو قـارانلوق یؤلی چـؤللرده هراسان اوللام  

اون ایکی قؤم فامیل بیر بیرینین دشمنی دور

روزگارین ایشینه  من باخوب حیران اوللام  

یعقوب و یوسف و موسی نی نه قدر اینجیتدوز

بـو شـرارت لـریـزه ، قلبیـده نـالان اوللام  

هـارون و یوشع و سامسونه باخون آخیرده

منده بو عشقیله ، یفتاح ایله ، ابصان اوللام  

داوودون دینینی خار ائیله یه نی خار اولسون

من زبـوری اوخـؤیوب ، طالب عرفان اوللام  

نصف شب ، صوت مناجاتی اشیت بولبولدن

عاشق صوت خوش مرغ خوش الحان اوللام  

آلارام مـن ، آتــامین ، بئیرَقینی ، اللـردن

صـور و صیـدا و اریحـاده ، سلیمـان اوللام  

آدمین نسلی گلوب ، نوحیده طوفان اولدی

سام و حام عؤمری کچیب یافثه گریان اوللام  

عشقیده ، تـارح و هاران ایله ابـراهیمه باخ

من منـاء قـربـانینا شـوقیـله قـربـان اوللام  

آغلامـاقـدان منی یعقوب زمـان سَسله للر

یـوسفین کـؤینَگی اللـرده پــریشان اوللام  

منی دیـوانه ائـدیب آیـریلیقون ، عـالمـده

گئجه چؤللرده قالام ، اختـره مهمان اوللام  

                                                        ***

با آفرینش حضرت آدم و حوّا و هبوطشان بر کره خاکی، نسل بشر از آن دو، در اطراف عالم پراکنده گشت 

و اقوام و طوایف پدید آمدند.اجتماع افراد در قالب اقوام و طوایف، نیازهای جدیدی در پیش روی آنان 

قرار می داد. از مهم ترین این نیازها،  نیاز بهتعلیم و تربیت ومعلّم و مربّی بود و جوامعی که از این

 لحاظ اساس محکمی داشتند به تمدن والایی میرسیدند.بشر با عقل محدود خود، توانایی 

رسیدن به سعادت واقعی و دوری از شقاوت را نداشت و چه بسا اقداماتش، موجبات 

سقوط و تباهی را فراهم می نمود. لذا خدای سبحان، راه هدایت و ارشاد را به روی او گشود

 و اشخاصی منزّه و پاکیزه را به عنوان نبی و رسول، جهت تربیت و تعلیم به میان  اقوام و طوایف

       فرستاد.  خداوند متعال، بهترینِ هر قومی را به عنوان رسالت، مبعوث می فرمود

پیامبر گرامی اسلام می فرماید: 

                  اذا أرادَ الّله تعالی أنْ یـَبْعَثَ نبِیّا نَظَرَ الی خَیْر اهْلَ الارض قَبیلَةً فَبَعَثَ خَیْرَها رَجُلاً                         







داغ کن - کلوب دات کام
نظرات() 

141 ــ غزال آلسین

تاریخ:چهارشنبه 20 اردیبهشت 1396-08:40 ق.ظ


دئدیم که اولما رضا ، کؤنلومی ملال آلسین

دیلیـم دیینمه سَده ، قلبیمی خیال آلسین  

هامی چکوبدی جهاندا ، به نـوعی مؤشکوللر

منیم قـراریمی الدن ، بـو قـال مقال آلسین  

طبیعتین ایشیدور ، شیر شکار ائـدَر مـارالی

چتین بؤدور کی اونو ، شیردن شغال آلسین  

دییلله قــدر زری ، زرگـر اولمایـان بــؤلمَز

سفارش ائیـلر اگـر اولمـاسا ، مجـال آلسین  

طلانی سئـومـگینی بـــاغبـان مسّـلم دور

ولی سئور که اونا  تئز گئدیب نهال آلسین  

منیم گؤزومده زر و زیوریم جانیم سن سن

اجل دن ایسته میشم جانیمی غزال آلسین  

بو شهریده دیله سالدیم  یارین گؤزه لیگینی

جمال ماهینی قـؤی چشمه ی زلال آلسین 

بیر عدّه واردیـلار اختر کی شعری سئومَزلر

من ایسته رم کی فقط سئوسه اهل حال آلسین  

***




داغ کن - کلوب دات کام
نظرات() 

140 ــ عار اولسون

تاریخ:چهارشنبه 20 اردیبهشت 1396-08:19 ق.ظ

                    
بیزه وئـرد زبان اولمیش ، که الله حقه یار اولسون                              

           داغیلسین ظالمین کاخی بناسی تار و مار اولسون  

ایچوب مظلوملارین قانین ، بو زالو آرتیریب قانین

مقـام و شهرت و قدرت ده دائم ، استوار اولسـون  

بیرعدّه چون صبوعی دی دئیب سنگ جفا سیندی 

بیرعـدّه واردی دینمَزلر، مبادا سر بـه دار اولسون  

بیر عـدّه شیر غـرّا دور همـان سلطان جنگل تک

ولی خصلت بو دور ظاهرده موش ریزه خوار اولسون   

بیزیم ائوده گئدوب عشق و صفا ذکر دعا چؤخدان  

آماندی گوشی و لب تاب و تبلت لر مهار اولسون  

باخ ائوده گؤر نه غوغادور ولی سَس چیخمور هئچ کیمدن  

او گوشی ده یازان سؤزلر چتیندور آشکار اولسون 

آدی ائــودی ، ولی عین مسافـرخـانـه دور اصلی

فقط بیر جور دانیش گلدون سؤزونده اعتبار اولسون  

اولوبـدور کافه لر ایندی  همان میخانه حکمینده

جوانلار هئچ بابا قؤی نو جوانلاردا خومار اولسون   

بنام علم دانش گؤن به گؤن مخدوش اولور ایمان  به 

اودور فسق و فجور آرتیــر مسلمانلاره عار اولسون      

دانشدیرسان گؤررسن هرکیمی  سلمان و بوذردی

   عملده گؤرسه دیر بیر ایش کی شیطان شرمسار اولسون  

بیر عــدّه کـورکــورانه ، ائـدیبلــر مذهبین تقلید

اگر آگاه اولا قــویماز بو  بـدعت ریشه دار اولسون 

بو علت هاردا دور اولمیش هامی مادی گرا  ایندی

بـو خصلت ده بشر والله ، چتیندور رستگار اولسون 

یالانچی دونیـانین اختر ایاق چک زرق و بـرقیندن

حقیقت جامی نی سن ایچ اگر چه زهر مار اولسون 

***


رسول خدا فرمود :

زمانی بر مـردم بیاید که شکم هاشان خدایان آنها شود، و زنـانشان قبله گاهشان و پولشان دین شان شود و کالاهای دنیوی را مایه شرف و اعتبار و ارزش خویش دانند.

      از ایمان جز نامی و از اسلام جز آثاری و از قرآن جز درس نماند. ساختمان های. مسجدهایشان آباد باشد ولی دلهایشان از جهت هدایت خدا خراب شود
زمانی بر مردم بیاید که هر کس دین خویش را به سختی حفظ کند .

 دینداری شان بسان کسی ماند که آتش در دست خود نگه دارد.

--------





داغ کن - کلوب دات کام
نظرات() 

139 ــ سؤزون اوسته

تاریخ:چهارشنبه 20 اردیبهشت 1396-08:12 ق.ظ


یاریم منی آتمیش بـؤلورم بیر، سؤزون اوسته

یاندیم غم هجراندا کول اولدوم ،کؤزون اوسته

صبـر ائیـله کؤنول ، محنت ایّـام کِچن دور

خوش دور یازیلان لوحینی اؤپ قؤی گؤزون اوسته

گـؤز یـاشیمیله یـؤلـلارینی مـن سولارام گل

گل قـؤی قدمـون قلبیمه قویما تؤزون اوسته

بولبول نه چکیب قئش دا او قارلیقدا، بـؤراندا

یـؤز دفعه دییللرکه ئـولوب دور بؤزون اوسته

ایندی نه قَدَرشوقیله گلمیش گولی گؤرسون

بیرخاری گؤروب گُل بؤداق آچمیش رُزون اوسته

دلـدارینه تعریف ائله یب ، قصّه ی هجـران

سالمیشدی گئجه هاله سین آی اولدوزون اوسته

اختـر دَگیلم عشقیده سیزقین بـؤلاغـام من

دامسین گؤزومین قطره سی قؤی یارپئزین اوسته

***

دی ماه سال 1395

 




داغ کن - کلوب دات کام
نظرات() 

138 ــ سلیمان اوزوگؤ

تاریخ:چهارشنبه 20 اردیبهشت 1396-07:47 ق.ظ


سن یاز قلمیم قلبیمی سوزان اولور اولسون

هجرینده گؤزوم هر گئجه گریان اولور اولسون   

بـو دردی سینمده نه اوتـوب نه آتـا بـؤللم

والله یـانـورام دردیله ، پشمان اولور اولسون 

عاشیق لیگیمین شهره سینه شهرته چاتدون  

 قؤی ایندی سنه مین لری قربان اولور اولسون 

عاشق گؤتو سن پاسلی صدفلی سازی دیندیر 

نیلوم به درک دونیانی ویران اولور اولسون    

هـرداش که تـلالو ائـده ، الماس اولا بـؤلمز

لعل و شبق و یاقوت و مرجان اولور اولسون 

دونیـانی منه وئـرسه له والله ، نظریم یـؤخ

یشم و حجر و ماهیله سیدان اولور اولسون 

فیـروزه ، زبــرجـد ، زمـرّد ، عتیق ، آختار

مـروارید و مرمردی ، بـرلیان اولـور اولسون 

هــرداشین اگـر خـاصیتی واردی بـدن ده

قلبون دؤلوسو، سنگ سلیمان اولور اولسون   

یـاقـوت و کبود و دیمورم مــرمـر سبز آل

افــزایش روزی دی ، فـراوان اولور اولسون 

بؤلــدوم شرف شمس دُعّــا سینده اثر وار

من معتقدم کیم دیسه هذیان اولور اولسون    

دیـو آتدی سلیمان اوزوگؤن بحره تاپــولماز

آواره ی صحرا و بیـابـان ، اولــور اولسـون 

خلقت بــو مــدار اوسته منظم دولانـار کنَ

ماهی گتورئر ، دریادا  طوفان اولـور اولسون 


یازدیقجا سؤز اختر سؤز گتدی سؤز اوزاندی  

 طبع سخنون مـرغ غـزلخوان اولور اولسون    

                                      

                                             ***                     اسفند ماه سال 1394

 

سلیمان یکی از پیامبران بنی اسرائیل است که هم دارای نبوت بوده وهم حکومت ونام مبارکش 17 بار

 در قــرآن کریم ذکر شده است.نام پدرش داوود و نام مـادرش آبیشاع یا تشبع میباشد. وی در 13 سالگی

 حکومت را بدست گرفت که در آن جن وانس وپرندگان وچــرنـدگان وبــاد تحت فـرمـانش بـودنــد سرانجام پس

 از 40 سال حکومت وپــادشاهی در53سالگی از دنیا رفت در روایت آمده که خداوند به او وحی کرد زمانیکه

 درختی به نام خرنوبه در بیت المقدس بروید زمان مرگت فرا رسیده . پس روزی سلیمان آن درخت را دید 

ونامش را پرسید ویقین پیدا کرد که زمان مرگش فرا رسیده است،

بنابراین به معبد خود رفت ودر حالیکه به عصایش تکیه زده بود

از دنیا رفت.سرانجام موریانه ها عصای او را جویدند .

واو به زمین افتاد وانس وجن به مرگش پی بردند.

                                           واو را در بیت المقدس به خاک سپردند.                                  




داغ کن - کلوب دات کام
نظرات() 

137 ــ اسراریم منیم

تاریخ:چهارشنبه 20 اردیبهشت 1396-07:37 ق.ظ


شکراولا قلبیمـده واردور ، عشق دلـداریم منیم

قلبیمی ، ظلمت ده روشن ائیلر ، اقمـاریم منیم  

چکمک اولمور بیرگئجه عالمده جسمین آغریسین

روحیمی آزار ائـــدر، دائم بـــو افـکـاریم منیم  

موسیقی اوستاد لاریندان بیر سؤالیم وار دیسین

نیله یوم ، آهنگ غم دائم چالیر ، تــاریم منیم  

عـؤمـریمه آئینه ده ، دقتلی آخشام بــاخمیشام

گؤرمه دیم بیرخوش گؤنی وار غملی اَدباریم منیم  

اللی ایل عؤمریمده بیردفعه اوره کدن گؤلمه دیم

آغلامـاقدا کچدی گـؤنلر، اولـدی اَطـواریم منیم  

قؤل بـؤداغیم سیندیلار بیر شاخه اوسته تیتریرَم

یؤخدی سندن سؤنرا بیرکس ایندی اَبراریم منیم  

زاهیـدا ، من دفعه لـر سیندیـرمیشام پیمـانیمی

سال طنابی قؤی سئوینسین بؤینوما داریم منیم  

باشیمین سؤدالری ، حکمت دی یا نکبت دی لر

قؤی با خوب گولسون منه نئینک بو اغیاریم منیم  

مخـزن اسرار اولان ، سینمده مین لـر، یـاره وار

ئولمیه چؤخ راضی یَم ، فاش ائتمه  اسراریم منیم  

قدرتیم ، گئتدی الیمدن ، طاقتیم لـه نئیله مَک

درد آلــوبـدور جـانیـمی  نئیلر پـرستاریم منیم  

بیــر دُعّا گلدی اوره کدن ، اخترا آمین دی سن

بــار ایــلاهــا منّته قــالماقدا وار عــاریم منیم  

ئـولدور الله جانه دویـدوم ، بسدی بـو آواره لیک

دائما حسـرتده قـالـدی چشم ، خونبـاریم منیم  

***

                                       اقمار : قمر                              

ابرار : نیک

اطوار : طور ، حال ، وضع

اغیار: بیگانگان ، نا محرمان

ادبار: پشت کردن ، پست خونبار: بارنده خون، خون افشان

 

 

انسان‌ها را از دور دوست داشتن، کار دشواری نیست. دوست داشتن آنهایی که به ما نزدیک هستند، کاردشواری است.

بخشیدن یک کاسه برنج برای سیر کردن یک گرسنه، بسی آسان‌تر از کاهش تنهایی و درد و رنج انسانی

 رانده شده در خانه‌ی خودمان است.

عشق را به خانه‌ی خود بیاورید؛ چرا که عشق ورزیدن به یکدیگر را باید از خانه آغاز کنیم.




داغ کن - کلوب دات کام
نظرات() 

136 ــ گؤردوم

تاریخ:چهارشنبه 20 اردیبهشت 1396-07:30 ق.ظ


پـروانه نی شمع شعله سینه قـونماقی گؤردوم

قونماق همان اُول شعله ده اودلانماقی گؤردوم  

شمعین نـه قــَدر نیسگیلی اولسا دیلـه گلمـَز

غمدن ارییب شعله سی قـورتولماقی گـؤردوم  

گـرداب بــلا دور ، هـامی تقـدیــره گــرفتـار

ای نا خـدا من دریـا ، طوفان اولماقی گؤردوم  

آی هاله سی دگـدی گـؤزومه ساچلارین آتدا

اَستی بـدنیم ، قلبیـده چیـرپنماقی گــؤردوم  

مجبور اولوب آخشام غم الیندن سازی گؤتدوم

باسدیم سینمه چالماقا پــاسلانماقی گـؤردوم  

گل عـاشیقیوه حرمت ائله ، ســالما گـؤزوندن

من عشق آتینا مینماق همان  ینماقی گؤردوم  

عـؤمـریمده  اؤزون اولسا منیم ، نـوح نبی تک

گؤندن چکیلوب کؤلگه ده دینجلماقی گؤردوم  

هیــوا باری تک ، آرزیلاری  بـار باسیب اختـر

غم معـاملـه سینده فقط آللانمـاقی گــؤردوم  

***




داغ کن - کلوب دات کام
نظرات() 

135 ــ پیمانه تاپولماز

تاریخ:چهارشنبه 20 اردیبهشت 1396-07:22 ق.ظ


ساقی وئـرایچیم ، بیـرده بـو پیمانه تاپولماز

فتـوا وئـریلیب ، شهریـده میخانـه تاپـولماز  

زاهیـد نه  قَـدَر، دینینی تبلیغ ائدیر ائتسین

بــوردا هامی عشق اهلی دی بیگانه تاپولماز 

مسجید سؤزودی ، منبر و محـراب و عبـادت

میخانه کیمین عشق ائوی جمخانه  تاپولماز  

عاشق منی دوغمیشدی آنــام ، روز ازه لده

من تک بو یانان شمع لره ، پـروانه تاپـولماز  

بولمم کیمیدیم ایندی کیمم یا کیم اولوم من

اســرار حقیقتده ، بــو افسانـه تــاپــولمـاز  

جنّت منه کـویین ، ائـدرم فخـر و مبـاهـات

بؤنــدان منه چـؤخ ، عـزّت شاهـانه تاپولماز  

زولفون ائویمی یخدی ، منی ائیله دی رسوا

بـو شهریــده من تک ، دلی دیـوانه تاپولماز  

مــژگان اوخیله ، اوخلادی بــال و پریم الله

  بیچـاره و درمـانده  قـوشا ، لانه تــاپــولماز  

اختـرسنه قــؤی ، عشقیده دیـوانـه دیسینلر

                                  عشقین غـزلین یـازماقا ، فــرزانه تاپولماز  

                                                             *** 




داغ کن - کلوب دات کام
نظرات() 

134 ــ ائیله سین

تاریخ:چهارشنبه 20 اردیبهشت 1396-07:17 ق.ظ


باخما گوله سعی ائدر عشوه و ناز ائیله سین

بولبولـونن گـول گرَک راز و نیـاز ائیله سین 

بــولبـول دستـان کیمی  اسیـر درد و غمم

انتـظاریم یـؤخ منی ، محــرم راز ائیله سین 

آلسا منیم جانیمی یؤخدی سؤزوم قؤی آلسین

امـا گــؤرنـده منی  عشـوه نی آز ائیله سین 

گـؤزلریمین ائوینده ، خیمه ووروب گؤزلرون

گـؤز بـؤلاغیندان گرَک او دستماز ائیله سین 

وئـرمیشم ایمانیمی  وصلینـه پیشکش اؤزوم

کافــر اولان عشقیده تــرک نمـاز ائیله سین 

سنی گــؤرنـده گـؤزوم اوره ک ائله تیتره ییر

قاچوب قوجاقلار دیزین که پیشواز ائیله سین 

بیر بـاخیشیلا منیم ،  قلبیمی قان ائیله یب

الله اوزی خلق ائدیب ، شکاری باز ائیله سین 

اؤ ، اؤوچـولار اوچوددو ، شکارچی طرلانیمی

اونـون تـایی تـاپولماز، شکار قـاز ائیله سین 

آیـریلیقون اختـری پیــر خــرابـات ائـدیب

جوانلیق الدن گِئدیب کیمدی اعجاز ائیله سین 

***



داغ کن - کلوب دات کام
نظرات() 


  • تعداد صفحات :10
  • 1  
  • 2  
  • 3  
  • 4  
  • 5  
  • 6  
  • 7  
  • ...  


Admin Logo
themebox Logo