عبدالله اختر نیا فرزند فرج اله متولد 1347 مراغه تازه کند سفلی ساکن تبریز تلفن 09149992055

جلد اول سؤز کروانی از شماره 1 تا 74

تاریخ:سه شنبه 8 فروردین 1396-09:34 ب.ظ



هوالّرحیم


 

 

سؤز کروانی


 

 ( کاروان سخن )



  

به قلم

 

 


عبدالله اخترنیا


انتشارات آشینا

 




داغ کن - کلوب دات کام
نظرات() 

111 -- اولسون

تاریخ:جمعه 24 فروردین 1397-08:15 ب.ظ

«  اولسون »

قورخورام یئل اسه دریا گینه  طوفان اولسون

قورخورام زورق عشقیم ،گینه حیران اولسون

ای کونول عشق آغاجین گؤز یاشیله سیراب ائت

ایسته رم من اوجـالیب سرو خـرامان اولسون

کعبه ی عشقیده ایـللر بـؤیی خـدّام اولـدوم

گؤزله دیم دلبریمی بیر گئجه مهمان اولسون

گل گـولوم گـؤزلریمه میلچینی چک آهسته

قؤی گؤزوم سورمه ی عشقونله چراغان اولسون

دؤونده قـورد قـاپونی قـویماین آچار شنگول

روا دگـول بـابا منگول بـوغازی قـان اولسون

غـزال عشقیمی مـن قـلبیلـه شـکار ائتـدیم

شکارچی الـده گـرک تیـریله کمـان اولسون

قرا بـولوت کیمی تؤک ساچلارین هلال اوسته

نه بد نظر گؤزو گؤرسون نه بد گومان اولسون

دیلیم دیلیم اولاسان . ای دیلیم خطاء ائتـمه

اؤجـوزلی سؤز دیمه کی اختره گـران اولسون




داغ کن - کلوب دات کام
نظرات() 

110 -- نظر گئدر

تاریخ:چهارشنبه 1 فروردین 1397-09:54 ق.ظ

نظر گئدر »

بهـار گلنده چـؤللـره بـو گولشنی بـزَر گِئدر

خزان یواش یواش گلوب بو گولشنی گزَر گِئدر

جوانلیقین جوانه سین بلا چؤلونده اکمیشوق

بــلا گلنـده قهـریـله جــوانـه نی ازر گِئـدر

منیم جوانلیق عالمیم بو کوچه ده تباه اولوب

ایندی منی گؤره ن زمان دوداقلارین بؤزر گِئدر

اوره ک نوالی نئی کیمین یانیب دی سوز آهیدن

او بیـر بـاخیشدا قلبیمین قـرارینی اوزر گِئدر

آیین جمالینی سـودا گـؤرنـدن اولمیشام دَلی

قرار صبریمی آلوب بالیق کیمین اوزر گِئدر

گـؤزللـریـله دائما چمنـده ، باغـدا ، باخچادا

من یازیقی گؤره ن کیمی کهلیک اولوب سؤزر گِئدر

کجاوه لر چـاتیـلدیلار دوشنـده کاروان یـولا

او گؤزلریمده تئز گلیب خاطره سین دوزر گِئدر

اما او گـؤنـدن الحذر فلک کسیب قیرار ایپی

سالار بـو جسم اختره  او مـرغ دل نظر گئِدر

***




داغ کن - کلوب دات کام
نظرات() 

109 -- جانان آپارا

تاریخ:چهارشنبه 1 فروردین 1397-09:52 ق.ظ

«  جانان آپارا  »

بیری داغلاردا گزور صید ائده جیران آپارا

بیری باغلاری گزور سنبل و ریـحان آپـارا

بیری چایلاردا اوخوردلبرینه قصّه ی عشق

بیری دریـانی گـزور لـولـوء مـرجان آپارا

من نه داغدا چاتا بؤلدوم نه ده باغدا گولومه

وطن آواره سی نی قوی غم هجران آپارا

هوسه باخ هوسه گیرمیش عقیل کوینه گینی

ایسته یئر بیر گئجه ده عشقی گروگان آپارا

یوخ سؤزوم کچدی عومور چؤخلی غم و حسرتیلن

رسمدور غنچـه گـولی خار مغیلان آپارا

قلبیمی قان ائله یوب کیلپیک اوخی چاره سی یوخ

نه غمیم وار نه سؤزوم گرچه منی قان آپارا

گلــه سن بستر بــالینمــه اللـهه قسم

وئـرمه رم دردیمی مین نفعیله درمـان آپارا

کسه لر باشیمی دالدان توکوله تشده قانیم

اخترم وئر باشیمی سئوگیلی جانان آپارا

***




داغ کن - کلوب دات کام
نظرات() 

108 نیلوم

تاریخ:چهارشنبه 1 فروردین 1397-09:47 ق.ظ

«  نیلوم  »

کونلوم قوشی مین شوقیله اوچمقدادی نیلوم

بـو هم اؤزونی هم منی یـؤرمـاقـدادی  نیلوم

پروانه دئـدیم کاش قـؤنا عـالمده گول اوسته

گؤردوم کی شمعین شعله سی یانماقدادی نیلوم

هرنـه بـاشیما گلـدی قضادن دئـدیم اولسون

صبریم جـامی گـؤزیـاشیله دولماقدادی نیلوم

اکمیشدی محبت  تـوخومین  قلبیمه گئتدی

گؤردوم کی همان غنچه نی سؤلماقدادی نیلوم

جام ایچره دونن عکسینی گؤردوم دَلی اولدوم

یانـدیردی منیم  قلبیمی یـاخماقدادی نیلوم

یعقوب و  شعیبه  اؤزونـی  اوخشادان  اولمـاز

والله گـؤزومین  رنـگی  آغـارماقـدادی  نیلوم

بو چـرخ جفـانین کیمه  یؤخ  مهر و  وفاسی

عـزرائیل  اولـوب  جانیمی  آلماقدادی  نیلوم

دردینده  چؤخ اولسا  سؤزونی قیسّا دی اختر

شاهنامه  کیمی سؤزلر  اؤزانماقـدادی  نیلوم

***

 




داغ کن - کلوب دات کام
نظرات() 

107 نور

تاریخ:سه شنبه 22 اسفند 1396-09:37 ب.ظ

«   نور »
ایسته رم صبح آچیلا بیرده گوره م چهرۀ نور

باخـارام  حسرتیلـه  بیـرده  اولام  خیرۀ  نور

قؤخورام  من  بو  قرانلوقلار  اولا چیرۀ  نور
                              یخیلا  صبریم  ائوی  نالم  اولا  نالۀ  نور

                               داغیلا  هـالۀ  فکریمده  اولان  هالۀ  نور
کیلپیگیم نـوک قلم  دیـر گوزومین  یـاشی دوات

باغلانیب دیر اؤزومه چؤخلی قاپو یوخدی برات

سن  مقرّبلرون   الله   منـه  وئـر  فـوری  نجات

                         منه  قارنیندا   آنام  چؤخ  اوخویوب  آیۀ  نور

                         اودو  ظلمت  اوره گیمده  گؤرورم  سایۀ نور
اِن  یکاد  آیه  سین  اوّل   قولووا    باغلامیشام

عکسیوی قلبیمین اوستونده  اؤپوپ ساخلامیشام

گئجه لـر یاتمامیشام . اوخشامیشام . آغـلامیشام

                         آچ  او  قاره  تئلینه  وور  گوزه لیم  شانۀ  نور

                         سنی  گـؤردوقجه  اولـور  خـانۀ غم  خانۀ نور

عجبا  برج  حمل دن   بؤلونور  آخر  ثور

یاندیربدیر  منی  هجرونده  اگر نار غرور

گوزلرین نورینه  مایل  منه وئر ساغر نور

                               سنی الله  یـارادیب دهـریده بیر زادۀ  نور

                           سنون عشقونه گرک گونده ایچَم بادۀ نور

ای کونول  صبر ائله بیر گله جاق  آیت نور

بـو  سینق قلبلره  مـرهم  اولار  غـایت  نور

داغیدار  تیره  و تاری  بئله دیر  عادت  نور

                               اوندا  قوش لار توکولر چوللره وار دانۀ نور

                                اوندا هر قوش اؤزونه تئز توخویار لانۀ نور

اختر ا قؤخما بو غم غصّه  اولا مانع نور

غملری زایل اولار کیمسه  اولا  تابع نور

یازیلیب  لـوح  ازه لــده  بشره   طالع نور

                               سنده یــاز دلبرینه عشقیله بیــر خــامۀ نور

                                نور الا نور اولاجاق گلسه گیرَه جامۀ نور

***



 



داغ کن - کلوب دات کام
نظرات() 

206 رخسارینی

تاریخ:سه شنبه 22 اسفند 1396-09:35 ب.ظ

رخسارینی

یـاز قـلم یـاز  دفتـریمده  گـؤنلـرین آمـارینی

آرزو قـالـدی اوره کـده گـؤرمَـدیم  دیـدارینی

من غـلامم  بؤینی داغـلی  شهرلـر  رسواسیام

گزدیریب سن کوچـه لرده درد و غم سالارینی

عقلیمیله عشقیمین پیمانینی جئرمیش هوس

نفس لـوّامـه دیـلیندن سن ائشیت  اقـرارینی

آیریلیق باغیندن آخشام بیر سبد غم درمیشم

گؤرمیشم گوللر سؤلاندا  بـولبولـون  اطوارینی

ساچـلارا شانه  ووراندا سعی ائله گیزلینده وور

چؤخ گؤزتله گؤرمه سین دیـوانه زولف تارینی

کچدی سیندیم اللینی امّـا  قراریم یـؤخ گینه

آغلایئر کونلوم  اوشاق تک  ایسته یئر دلدارینی

خلقتین سن نـانـوشته شعرینین ابیـاتی سان

واژه لرده  یـؤخ لیاقت  وصف ائدم رخسارینی

آرزوی  وصل ائـدن پروانه نی شَمدن سؤروش

قؤی دیسین اوُل باغری قان پروانه نین اسرارینی

عـاشق جانان اولان اختر گرک جانـدان کچه

گؤرسه دیر ترکیب شعرون بسکه آه و زارینی

 ***




داغ کن - کلوب دات کام
نظرات() 

205 ــ دایی اوغلوم حجتین ئولمگی

تاریخ:جمعه 12 آبان 1396-08:41 ب.ظ


طوبـا آنـا ، قربـان آتـا بیـر دانه دی حجت

گر بئش باجی شمع اولسادا پروانه دی حجت

گلچین اَجل شـاهـدی لـر بـاغینی گـزدی

گؤرجک تانیدی چون گول ریحانه دی حجت

دگــدی او گولی تحفه آپـارسین اودا یـاره

فیکر ائتـدی فقط لایق جـانـانه دی حجت

من سعی ائله دیم غملی سؤزوندن کِچَم امّا

خوشلوق بیزیلن دهریده بیگانه دی حجت

بیر وای خبری چاتدی منه قیشلاریم استی

بؤلـدوم آتـاسیلا گئجه همخانه دی حجت

وار طایفه میـزده دیمـورم چـؤخلی گوزللر

سنسیز ولی بـو گولشنی ویـرانه دی حجت

گولدن ده سنون عومرون آز اولدی بالا یاننام

گـول جـایگه  محفلِ شـاهـانه دی حجت

ای یـوسف دل گل  بو  زلیخایه  نظر سال

سنسیز بو دوشر چؤللره  دیوانه دی حجت

قانه بلهَ شن کؤینگی وئررم  اودا  اؤپسین

گل توی اتاقون  بزم  عزا خانه دی حجت

غم چکمه اوغول هم آتا ، عمه ن ، عمون اوردا

فیکر ائتمه اؤرا دشت غـریبانه دی حجت

نیسگیل لـریـوی من بـالا  اللهه دییَردیم

سن گل یوخودا زولف پریشانه دی حجت

سندن سورا دونیا باشینا کاش کؤل النسین

عومریم داخی سندن سورا افسانه دی حجت

درد اهلی دیینجکلی اولار دیممه سن اختر

چون آز دانیشیق خصلتِ مردانه دی حجت

                                           ***                      آبان ماه سال 96

 




داغ کن - کلوب دات کام
نظرات() 

204 ـــ یازاردیم

تاریخ:پنجشنبه 11 آبان 1396-10:17 ب.ظ


ای کاش آدینی گوهر دُردانه یازاردیم

ای کاش آدینی لولوء مرجانه یازاردیم

ای کاش آدینی لعل بدخشانه یازاردیم

سن مصحف عشقه یازیلان آیه اولوبسان

سن گاف ده سیمرغ ئیله همسایه اولوبسان

خلقت سؤزی کاش دهریده افسانه اولایدی

نه مسجید  نه کعبه  نه بتخانه اولایدی

نه باده  نه پیمانه  نه میخانه  اولایدی

بو کثرت دین جامعه نی بیر بیره قاتدی

تزویر و ریا دهریده انسانلیقی ساتدی

بو جنگل عومریمده اولوب چؤخلی هیاهو

گؤردوم چاغورور بعضی لری ضامن آهو

قلبیم منی کچدی قاباغا سَسلَدی یا هو

گؤزیاشیمی غم غصه لر ائیلر روان الله

ای هم آتـادان هم آنـادان مهربان الله

ای کاش عقیل عشقیله همخانه اولایدی

ای کاش بشر جهلیله بیگانه  اولایدی

ای کاش بو ویرانه نی ویرانه  اولایدی

پروانه اگر شمعه یانار  نوری  چؤخالدار

بویانماق اوُزو  عاشقینین باشین اوجالدار

من عومریمی ووردوم داشا چیخدیم باشا سنسیز

صبریم جامی لبریز اولوب ایستیر داشا سنسیز

سن اولمـا رضـا  بیـَرق عشقیم آشا سنسیز

گل بسدی یوبانما ئولورم باشیمین اوسته

گل قبریمه یاز آیه ی عشقین داشین اوسته

اختر یئل اسَن وقته خزان قلبیمی داغلار

وجدان  بولورم  عشقیمیله عقلیمی دانلار

هر عاشق غم دیـده گوروب حالیمی آغلار

بو شرح و مصیبت هامی سی مهر و وفادی

انسان اولاق انسانلیق اوُزی  لطف خدادی

***

 آبان ماه سال 1396




داغ کن - کلوب دات کام
نظرات() 

203 ــ آختاریرام گل

تاریخ:جمعه 28 مهر 1396-08:55 ق.ظ


ایللردی که من درده  دوا  آختاریرام گل

جان  نقدینه  بیر اهل وفا  آختاریرام گل

سیز باد صبادن سؤروشون نغمه ی یاری

من بیر قورومیش نئی ده نوا  آختاریرام گل

دوتمیشدی قارانلوقـدا بیابانی سیزیلتیم

اؤلدوزلاری سایماقدا سهاء آختاریرام گل

پروانه اولوب هرکس اؤزون شعله یه وورماز

من شمع وجودیمده  فناء  آختاریرام گل

سن گـوهر دُردانه و سن نـابِ ذریم سن

داغلاردا  قازیب سنگ طلا آختاریرام گل

سن خضر اولوبان چشمه ی حیوانه چاتیبسان

من حسرتیـلـه آب بقـاء آختـاریـرام گل

اوُل کعبه نی اِحرام ائله ینلر هامی گئتدی

سن سیز هله من مروه صفا  آختاریرام گل

لذّتله  قیلیبلار  هامی سی عشق  نمازین

من صحن مساجیده عبا  آختـاریـرام گل 

آیـا  کیم آلـوب قبر پیـامبرده  شفاسین

عقباده زیـارتـله  بهاء  آختاریرام گل

  بدعت دی امام زاده ده باغلانسا مریض لر

من صحن مصفّاده دعُا آختاریرام گل 

کیم دارِ شفا  قویدی آدین کهنه مزارین

بـو شرک و جهالتده اِبـاء  آختاریـرام گل

اختر بو حیاتین آخیـری مرگ و فنادیر

من راه سعادتـده خـدا آختـاریـرام گل

***

مهر ماه سال 1396




داغ کن - کلوب دات کام
نظرات() 

202 ــ تاکسی چی لار ین درد و دلی

تاریخ:چهارشنبه 19 مهر 1396-10:26 ب.ظ


ای عشق گلوب کوچه ی دلـدن گذر ائیله

عـاشق لرینی یغ بــاشــا فتح و ظفر ائیله

هـامّی منی دانیـلا بـو ایشـدن حـذر ائیله

راننده لیگین زحمتی چؤخ اُجرتی یؤخ دور

بو صنف مشاغل ده بونون حرمتی یؤخ دور

بیر تاکسی آلوب سنده اونی گولکیمی بسله
گـؤردون کی مسافر آزالیر دؤش بـالا سَسله

 قار یاغدی ، یاغیش یاغدی اوغول باخماز او فصله

بو شهریده ایللر بؤیی آختارسان ایش اولماز

هئچ ایشده بو اندازه ده باخسان کشش اولماز

بو فیکر و خیالیله گئدیب بیر ماشین آلدیم

سربسته دییم مـن بـاشیمی ذلّته سـالـدیم

بیرقومین ایچینده هامی دان من دالی قالدیم

الله هامی نی قؤرتار اؤزون تاکسی چی لیقدان

الله هامی نی قؤرتار اؤزون  آغـزاجی لیقدان

گـر خیــردا پـولـون اولماسا دائم آتیشاللار

گوردوم که بابا یـؤز تومن اوسته ساواشاللار

عادت بئله دیـر خیـردا پـولا تئز آجیشاللار

دای ایندی تومن کش آدی تاکسی دیمیللر

پیس گوزده باخیللار بو ایشه یاخجی دیمیللر

بیچـاره تـازا پـالتاری گیـرمیـر کی آلانمـاز

چـاره نـدی پالتـار پـولـونی ایلـده قـازانماز

بیـر گؤنده مریض اولسا بـابـا ائـوده قالانماز

پنچردی زاپاس، بنزینی یوخ ، گازدا قوتولدو

قاتـدیق باشی بیـز ایشله مگه یازدا  قوتولدو

وای حـالیوه گـر بیـر جه نفر ائتسه شکایت

تلفن  ووراجـاقـلار دو گل ای کان عــداوت

هم خُرد ائده جاقلار سنی هم چوخلی غرامت

هم مجتهد و حاکم شرع ، قاضی دی اوردا

چؤخدور خطری دیممه ، دانیشما ، دیمه اوردا

افسوس اولا ستارخـانا کی سیندی  تفنگی

افسوس اولا بـاقرخانـا  قورتـولدی فشنگی

واللهی قبـول ائیـله مَروخ  بیـزده  بو ننگی

شرمنده ی گر اهل و اعیـالیق نـدی چاره

آینـده ده بیـز رو بـه زوالیـق نـدی چـاره

گؤررم اوره کون سؤزدی لبالب دیمه بسدی

رنگون سارالیب تاکسی کیمین اللرون استی

شاید دییه لر، شعر دیمک اخترده هوسدی

الله اؤزی شاهیـدی اوره کـدن یـانیـرام من

هـرکیم سؤروشا سرّیمی  والله  دانیـرام من

***

مهرماه سال 1396




داغ کن - کلوب دات کام
نظرات() 

201 ــ پـؤزاق بُستانی

تاریخ:چهارشنبه 19 مهر 1396-10:20 ب.ظ

اعتقادیـله گلـون ، عشقی بیـلاق رحمانی

شادی و صلح و صفانین چاتـاجاق دورانی

قوخما غم غصّه گلیب  قلبیده ماوا  ائتسه

هر قرانلوق اوره ک اولسا  ائده جاق  نورانی

گله جاق سینه لره ، محرم  اسرار  اولسون

اوگلن وقته  بتـون گول دوتـا جاق دونیانی

گـوزلـرین سرّینی مین یـوسف دانـا بؤلمز

اونـا مین لـرجه ، زلیخا  اولاجـاق  قـربانی

گئدماقا عشق یؤلون قلبیده حنار اوخودوم

ایسته دیم  بولبول نن باهم  اولاق همخوانی

سایه وی کسمه باشیمدان دیمه سین بیخردان

بـاغبان ئـولدو گلون فـوری پـؤزاق بؤستانی

ساربان اولماسا هئچ  مقصده کروان چاتماز

گل بوگؤندن داخی حیران دولاناق صحرانی

عشق قـانـونی ، مجـزّا و  مصمّم دی بیــزه

حکم اولوب عاشق ایچون اوندان آلاق فتوانی

اختری قلبی سینیق لار هامی سی یاد ائیلر

دیمیشوق ترکی یـازا  فوری  بیلاق  عنوانی

***




داغ کن - کلوب دات کام
نظرات() 

200 ــ « خلقت آدم »

تاریخ:جمعه 31 شهریور 1396-03:37 ب.ظ


ای قلم ، گل سؤزی چؤخ ائیله میاق طولانی

عشق دریـاسینی غمـلر ائـده جـاق طوفانی

زینت و خشم طبیعت ایکی سی بـا هم دیر

حیف دیـر سئیر و سفر ائیـله میاق روحانی

وار الستین سؤزی  قرآندا ولی درکی محال

چؤخ چتیندیر اوتوروب نقد ائله ماق عنوانی

هانسی نـوری دی گلوب خالق ئیله گفتاره

نه ضرورت گـؤرونـوب خلق اولونـاق ربّانی

عالم ذرده بو تصمیمی دوتوب خالق و خلق

نییه گؤرستمه دیلر،  بیـزده گؤراق پیمانی

چرخ تقدیری اگر ، یـازسالار آزاد اولسون

الیمیز کاشکی چاتا لوحه ، سیلاق امضانی

ایکی مین ایل سؤووشوب خلق اولونوب خلق الله

عهـدینه ائتـدی وفـا ، اوُل کـرَمِ دانـایی

حضرت آدمی بیر میوه یه محکوم اولسون

نسل آدم بـو گناهه اولاجـاق قـربـانی ؟

نه ائیدی عومریلرین قیسسالانان اسراری

کی مین ایل عومری گلاق یئتمیش ائداق پایانی

فرقی یوخ ، خلقت انسان هامی سی باهم دیر

فرقی وار ، آغلادا یا ، گولدوره جاق پنهانی

باخیـرام جامعه یه قلبیمی آتش بؤرویور

بو سینیق قلبلرین کیم اولاجـاق درمانی

اختـرا ، حسِ رسالت سنی مجبور ائیـلر

یاندیراق شمعی گرک قلبی ائداق نورانی

***




داغ کن - کلوب دات کام
نظرات() 

190 ــ اثر ائیلر

تاریخ:جمعه 17 شهریور 1396-09:53 ق.ظ


قلبیم باشینی غصّه لی سـؤزلر کئدَر ائیلر

ئولدورمه سه مین دفعه ئولومدن بتَر ائیلر

هــرنه بـاشیما گلسه  قضادن نــه گلایه

امّــا بــو قضادن سـؤرا  مندن  قدَر ائیلر

بیر عدّه یاشار آغزی شیرین خّرم و خندان

آغزیمدا شیرین اولسا تؤپیرجَح  زهر ائیلر

خئس بؤغدی منی قلبیم آجیشدی قانا دوندی

گؤررم کی بو طرزیله منی خون جگر ائیلر

بیر عـدّه قـؤیار  بالیشه باش راحت وآرام

درد اهلی سیزیلدار گئجه نی تا سحر ائیلر

دونیا  بئله دور هر عمله عکس العمل وار

کیـم حـلّ معمّـانی بــؤلـر دربــدر ائیلر

عومریم زَمیسی تئز وَغَمه گئتدی صد افسوس

آیـا گینه صنعـانه او تــرسا  نظر ائیلر ؟

ایچ بـاده نی خلوتـده  نگاریـله صفا ائت

نـا محرمیـله صحبته یـاریم حـذر ائیـلر

اسرارینی حفظ ائت دیمه اغیاره آماندی

زاهیـد اؤزونی عشقیده صاحب نظر ائیلر

سجّاده و تسبیح ئیله  بــو رنـد ریـا کار

فیکر ائیله مه  بو دهریده خیر البشر ائیلر

بـاخ آینه ی خلقته گـؤر جلوه ی یـاری

کیـم عشقه بصیرتـله بـاخـا مفتَخَر ائیلر

قلبیمده کی چیرکین لری گؤز یاشی تمیزلر

بـو دانـه لـری  ایسته سه  دُرّ  گُهر  ائیلر

بو لطف یداللهی دی اختر بـاشون اوسته

بیر عدّه یه گؤررم کی سؤزون چؤخ اثر ائیلر

                                        ***                   شهریور ماه سال 1396




داغ کن - کلوب دات کام
نظرات() 

189 ــ قلبیمده

تاریخ:جمعه 3 شهریور 1396-10:24 ب.ظ


چـراغ منـزلیم آی دی گئجه  ویـرانـه قلبیمده

رفیق و همدمیم اولمیش رُخ جـانـانـه قلبیمده

گزَر بـو داغـلاری آهـو کیمین مستانه قلبیمده

دئـدیم ای ساقیا دولـدور ائچیم پیمانه قلبیمده

باخاندا گؤزلره گؤررم منی مست و خـراب ائیلر

یـانـار حسرتـله آی اولـدوز  نظاره آفتـاب ائیلر

عقیل بـؤلمز بــو اسراری سؤال بی جـواب ائیلر

نجور وصف ائیله سین عشقیم  اونـا افسانه قلبیمده

اگر فاش ائتسم اسرارین او اغیاره دیلیم یانسین

دییلمَز سؤزلریم قالسین اوره کده نسگیلیم یانسین

دگه سنسیز پریشان زولفیمه شانه تئلیم یانسین

او بوتیمار عشقون قویماسین دای لانه قلبیمده

مُنـایــا و بـلایـانی  بـؤلـوردوم  راه  عشقینده

یـانـان ای دل وجـودیم دیر شرار آه عشقینده

گلایم یؤخدی قالسام دا بیر عومری چاه عشقینده

گلر بیرخوش خبر نا گه دئدیم کنعانه قلبیمده

گؤزوم یؤللاردان آسلانمیش  قراریم هاردادور گلمیر

پاییز قورتولدو قیش چیخدی  بهاریم  هارادور گلمیر

منی آخ هجران ئولدوردو  نگاریم  هاردادور گلمیر

قوجاخلارشعله ی شمعی یانار  پروانه  قلبیمده

کؤنول پیمانه سی دولمیش لبالب قاندی واویلا

سینیب دیر زورق صبریم زبس طغیاندی واویلا

سچیلمیر یاخشلیق پیسدن عجب دوراندی واویلا

نـه چـؤخـلی آشنالر اولـدولار بیـگانـه قلبیمده

الیمده تیتره یئر مضراب چالمیر تاره آندولسون

مثال گول سؤلوب رنگیم جفای خاره آندولسون

دئدیم عشقونده حلاّجم طناب داره  آندولسون

یـازوبـلار لـوح عشقیم قـانیله دیوانه  قلبیمده

نـوالی نئی کیمی دایم سیزیـلدار  بینـوا  اختر

بو چرخ ایستیر بیزی ائتسین اؤزیله همنوا اختر

نه واردور الده بیر چاره نه بیر چون و چرا  اختر

چتین دیر طائر بختیم چـاتـا سامانه قلبیمده

***




داغ کن - کلوب دات کام
نظرات() 

184 ــ دوران گزور

تاریخ:جمعه 30 تیر 1396-05:45 ب.ظ


یــاز قلم ، یــاز آسمان عشقیده طرلان گـزور

یاز قلم یاز داغلارین باشین گینه جیـران گزور

یاز قلم چیخمیش چمنده چیتدیق و داغ مزه سی

سیلدیریم داشلاردا یاز داش بولبولی خندان گزور

قار یاغیش فصلین قوتاردیق بینوا بولبول اوخی

داغلارین دامانینی چـؤخ دیده ی گریان گزور

گئتدی معـراجه خیـالیم ، آختـارار دلـدارینی

یئدی گؤیده  بیر غریبه گؤرنه سر گردان گزور

قلبیمین الـدن آلـوب خـوف و رجـاع آرامینی

حیرتیم آرتـار کی گـؤررم کفریله ایمان گزور

وئرمیشم امضاء السته ، عـومـریمین فرجامینه

یؤخ سؤزوم یؤخدور گلایم هرنه جؤر دوران گزور

ئولمه میش کاش بیر گؤریدیم اوُل ید بیضاسینی

عومریمین شمعی کنارین قؤرخولی طوفان گزور

گؤزلرون نــور محبّت قـاشلارین تیـر و کمان

اختـرین روحین ، روانین صاحب نعمان گزور

***




داغ کن - کلوب دات کام
نظرات() 


  • تعداد صفحات :14
  • 1  
  • 2  
  • 3  
  • 4  
  • 5  
  • 6  
  • 7  
  • ...  


Admin Logo
themebox Logo